السلام عليكم ورحمة الله وبركاته ،، 
مشاركة بسيطة ،، وأبيات موقف ،، أتمنَى تعبَر عن اللَي في داخلي ،،
كيبوردية سريعه ،، والكلاااااام كثييييير ولكن أكتفي باللَي فالأبيات ،،
والأبيات قلتها بحكم إنَي أنا وأبوي عزوووووبية ،،
يابوي خلَك من اللَي يعزمون=وقت العزيمة للنشاما امعروفي
أمًا عزمني قبل ماهم يحطوَن=صحن الغدا ولا العشا بالصنوفي
ماهم ليا شافوك قامو يحلفون=يابو سعد إيَاك تخلف حلوفي
حنَا عزاز نفوس ماننحدر دون=ماهمنَا لو ماعزم بالخروفي
ماعاد فيه [أخوي ] بيدينه العون=أخوك في صكَات بقعا يحوفي
دنيا" تموج ولا لها اليوم قانون=وأخوك دايرته اليوم نوفي
شي" ظهر وأنبت ابقلبي اغبون=وسيلَت موق عروقها في حروفي
من اربع خوانك ماصفى غير مالون=إثنين يمكن وواحد رؤوفي
يابوي أنا ماذمَ الأقراب / باقون=هم درع وحزام لا جا امخلوفي
مير في بعض التصرَف مية لون=يرَث على قلبي ميَات الحسوفي
يابوي علَمهم من ادروس وفنون=يالين يرجع صواب الجحوفي
وسلااااامتكم ،، ياشعَار الهيلا ،،
" = نون التنوين (ن)