البحر الطويل
ســـلام تسلـيـمـة وفـــا قـلـتـهـا طــربــان طــربــان = والـــي مـعــي صـــرت جنـيـهـات وادور حـرامــي
الـلـيـل يالـصـحـاب يـلــي لـهــم بالمـعـرفـة شـــان = ماودي انتف ريش واكسر ضعيفين العظامي
معجب العتيبي
يامرحبا ترحيبة سقتها في عذب الالحان=تمشي على حسب القوانين وحدود النظامي
كلٍ معه حيله وله حيل والميدان ميدان=والجاهل اللي مايعرف الحيا والاحترامي
البحر الطويل
دام البقابك مثلها ماتخلفها بالاوزان = يلي عيونك في جنوب الجمل تحت السنامي
ماجيتك اطلب علم والا انشدك ياشيخ رشدان = لاتفتح ادروب المشاريه ويطول الكلام
معجب العتيبي
الحق بيّن والسوالف لها وجهه وميزان=وبعض البشر لو قال ماقال ماحوله ملامي
العلم مايحتاج تفصيل زبد الهرج نيشان=وانته وانا تو ابتدينا هنا رد السلامي
البحر الطويل
يامعجب الطرقة طويلة وانامريت ضميان = والعد خاف ارده ضامي واصدرمنه ضامي
اما فتحت اكتاب لدرس والي حظر كسبان = والادرست اكتاب غيرة من الرجل العصامي
معجب العتيبي
من يطلب العليا قضى الليل يارجال سهران=وليا اجتهد ماباقي الا الدعا وقت القيامي
انشد وتدري عن دروسٍ مضت في ماض الازمان=واحرص على التطبيق ياصاحبي للدرس امامي
البحر الطويل
يامعجب الاهداف ترمي بركد واحس واتقان = كد قالها صياف. مستور. مطلق. والزلامي
انا مسافر وانت بدار مستوطن وسكان = جايز لي اجمع واتقهوا ومن حولي صيامي
معجب العتيبي
ماودي اسولف واعيد السوالف والذي كان=يالفارس اللي جيت ترمي ولكن منت رامي
ماقد سمعت انك تمشيت مع فيصل وسلطان=الا ان لك صوله وجوله ومسرا بالحلامي
البحر الطويل
لا يسمعونك يكثر الوم ثم ايبان مابان = الفارس اله السيف والرمح والخط الامامي
السالفة مرت كما البرق في مزبور الامزان = شف برقها خلف السحابة يشعشع بالظلامي
معجب العتيبي
ماقول غير ان الحقايق لها فالمجد عنوان=يالشاعر اللي جبتللك وصف وحروف وكلامي
كلٍ عطاه الله من الناس قلب وعين ولسان=ويشوف ويصدّر فاالاحكام حكمٍ مايظامي
البحر الطويل
ياليتني سجيت رجلي لديرت قوم مطران = والا لديرة حرب يمكني احصل مرامي
صوت لربعك واطلب العون دام ان الوضع شان = قل ياعتيبة دور حل يوم البحر زامي
معجب العتيبي
الله يحققلك مناويك وتسافر على شان=تجرب الدنيا وترجع مثل سرب الحمامي
مافيه شيٍ يستحق التعب والصوت يافلان=ربعي عتيبه درع جنبي وصوتي والحزامي
البحر الطويل
انا بمخلابي جناح الحبارى عاينه عان = اشوي انكس راسه ال حنجرتها في بهامي
وانعم في ربعك عتيبة كرمهم حيل والسمان = وانته بحاجتهم عن الريح ياريش النعامي
معجب العتيبي
الظاهر ان الجو للي يبي المسفار مازان=مافيه حيل لسجة الرجل جعله للرحامي
ختامها ياليت بعض العرب غطوا بالاجفان=لعله يطيب الذكر والنبا عقب المنامي