حضورٍ بعد غياب
اتمنى تقبلونه
ويرتقي لذائقتكم الشعريه
لامن غشاك الليل واسرف بك الهـم=ولمست جمع الحزن فالقلب ملتـم
هد الخيال الحر صوب المعاني=واسقي خيالك من سعة جمها جـم
وخل الهموم اللي بقلبك تكاثر=حرارة احساس ٍ اذا بردت حم
وهز الفكر تجني خُرَافة ثمرها=وإغسل خراف الفكر من طارف اليم
وإعزف على اوتار الاماني اماني=من نوتةٍ في لونها كنها دم
واسند على روحك مهمة ضفرها=وخلك على درب السلف خال ٍ وعم
والبارحه قلبتها في خفا الروح=اعلم اللي غافل ٍ ماتعلم
اللي تغافلني وسج بنفاده=واليوم بعد اللي جرا له تندم
واخذت احايل حالةٍ حايلتني=ساعه تجنبني وساعه تهجم
ومريت في عقلي بعقل ٍ محايد=ومثلت عن قلبي بقلب ٍ مخضرم
لقيت بين العقل والقلب فجوه=لسانها عن حالها ماتكلم
فيها من الحكمه وفيها العواطف=وفيها ضداد المد والشد والضم
في جو غايم مدلهم ٍ سماها=تبرق وترعد والهقاوي تهشم
وسحابة العين اقتفى رجدها رجد=وحجاجها لامن فردته تلملم
كن الزمان يشح عنها بسلوى=كل ما نخيت الحظ قام وتحطم
ياحظ تكفا فضها سيرة افلاس=خلك شقردي بالاماني تقدم
ازرع مدى شوفي ورود ورياحين=واغلب حظوظ اعداي بالكيف والكم
وعوض هجير الوقت وقفاي الاحباب=بالفكر والحكمه وبالصبر الاعظم
وعود عليّ اوقات مرت سعاده=وبسلوتي سلوى تكرم تكرم
هذي اماني وانت ويا ضميرك=اما تلم الشمل والا.... تقسم