ورقان =
سلام رده سيفها فوق المواطن والمقيم=يحكم بحد المعرفه والعدل واكتب ياقلـم
ياسعود ياشاطر ليا جالك مدرسك القديم=ردك محلك ياعريف الفصل تكتب بالقلم
سعود العصيمي =
يامرحبا ترحيبة ٍ يكرم بها الوجـه الكريـم=مخصوصة لاهل الشمغ والعقل واكتب ياقلم!!
العب وخلك يالمغنـي فالطريـق المستقيـم=ان كنت يارجال قول وفعل واكتـب ياقلـم؟؟
ورقان =
دام البقاء وانا الزعيم ابن الزعيم ابن الزعيم=ماجيت ادور من يداك الفضل واكتـب ياقلـم
موسى ترك سينا لكن السامري شرٍ عظيـم=عبدّ بني يعقوب جلد العجـل واكتـب ياقلـم
سعود العصيمي =
راع المثل وش قال ياراع المثل كانك فهيم = من غير قاصر فيك وض وصل واكتب ياقلم.
حنا سهمنا مايوقع غير فالعظم الصميم = والسامري منا رحل ماحل واكتب ياقلم!!!
ورقان =
مانيب في المسجد ولاني بين زمـزم والحطيـم=حتى إني اطبق شروط الغسـل واكتـب بالقلـم
ان كان هو منكم ترى الشرهه على ربعك عصيم=وانا بري منكم ولالـي شغـل واكتـب بالقلـم
سعود العصيمي =
اما تعدل واعتدل والا طليتـك طلـي هيـم=ياشاعر ٍ دوبه هلاله هـل واكتـب ياقلـم.
ماهوب منا واحد جنب عن السلـم السليـم=ياللي تطرحت سوال هاك الحل واكتب ياقلم.
ورقان =
تبا الصحيح انته بطل وانا على مثلك رحيم=حرام في عينك ما اذر الكحل واكتب ياقلم
هذا تناقض والتناقض داخل العقل السقيـم=نزل حصى ورقان فوق الوعل واكتب ياقلم
سعود العصيمي =
تبا الحقيقه ماحسبت حساب لعيال الحريـم=من زل دربه ندبه ويـدل واكتـب ياقلـم.
ماهي غريبه من كفيف الطرف ياقع فالهشيم=يارجل شوفك من زمانك قل واكتب ياقلـم!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|