الطيب فرصه والجمايـل توافيـق=ومن لاتوفق ماكتـب لـه جمالـه
ومن لارقى للطيب روس الشواهيق=مازان له وقتـه علـى مابدالـه
وما دام لفعول الجمايل عشاشيق=كسب الجمايل مايجـي بالسهالـه
ولو انها تشرب مع فكّـة الريـق=كل خذاله كل ما أصبـح بيالـه
والطيب منوه للقلـوب المشافيـق=كل يتـوق ومنوتـه راس مالـه
والمدح مايزهى على الرجل ويليق=الا لاصـارت وافيـات خصالـه
يستاهله رجـل يفـك المزانيـق=اللي يقال ونعـم لاجـا مجالـه
ومن ساقته نفسه وهو مابعد سيق=لأجل الجميـل يزيّـن الله فالـه
والمرجله ماهي بتحتـاج تنسيـق=من بين قلب اللي عشقها وبالـه
ومن عادة الدنيا تخـون المواثيـق=تفتـرّ مكرتهـا سـواة المحـالـه
ولولا اللوازم ماعرفنـا المخاليـق=مانعرف الرجّـال ليـن انعنالـه
والكفؤ تظهر فزعته حزة الضيـق=وينشاف في الشده بعين العدالـه
نسل الرجال متّعبيـن الملاحيـق=متوسط من بيـن عمـه وخالـه
واللي يطيق ولا بغى قال ما أطيق=تحرم عليـه المرجلـه والشكالـه
صح لسانك وتسلم يمينك على النقل واعذرني اعجبتني ونسقتها