هذه المحاورة حصلتها في احدى المنتديات بين شاعرين من شعراء منتدى الهيلا وهما الشاعرين الرائعين الشاعر سعود العصيمي والشاعر عيد العازمي
وكانت مباشره واعجبتني وحبيت انقلها لكم فالهيلا،
سعودالعصيمي=
البداية مرحبا يامن حضر مـن كـل ديـره=عندي ربعٍ ترجح الميزان وتضد الغـواري
سرها يالعازمي فالدرب مع شبـه الجزيـره=سرها مسرا الذياب الشهب في سود الغداري
عيد العازمي=
البقا ياللي ترحّب ياعسـى فالامـر خيـره=دون بيضان الوجيه اشوف للطيّب مواري!!
يبرق البـراق قـدام الكراديـس المغيـره=والطّريح اليا توخّر تنهشه شهب الضواري!!
سعودالعصيمي=
الفعول الطيبه ماهي على الطيّـب كبيـره=والرخيصة مالها في سوقنا بايع وشاري !!
لو سيل العرم قدمه سد ماواصـل مسيـره=مار ماقدمه سدودٍ تمنعـه لاجـاك جـاري
عيد العازمي=
ول ياغصن الهوا صلف الهوا دايم يديـره=كل مايهجع عليها الطير بالجنحان طاري!!
الحبوب المرمسه وسط الرحاه المستديره=تفتح البيبان وتشوف المسلّح بالسواري!!
سعودالعصيمي=
اعتلا فالجو صقر الجو وانته في مطيره = تحسب انك صايده ياعيد وانته مانت داري!!!
مامعك بندق ولاعندك حزام ولا ذخيره = ولومعك بندق ومعك حزام مالك خصم غاري؟؟
عيد العازمي=
ساع زان الهاجس اللي ماتغيّر عن مسيره = صار علم الخير شر وصار علم الشر خاري!!
بعد عام 2000 باقي في مدارك ءتحجيره= لاتشيل البندقيه قدم صاروخٍ نياري!!
سعودالعصيمي=
الهجوس اللي تدفك فالمحيطات الغزيره = ماتبرك غير شرك يالمثاري لاتثاري!!
مامعك في حاكم الغابه حلول ولابصيره = ارض بالمقسوم والا الصبح ترضابه جباري؟؟
عيد العازمي=
فالمحيط الاطلسي ياسعود والا بحر غيره = يقطع البابور لو حطو على المويه كباري!!
ساعة الميقاف يلقا كل رجّالٍ مصيره= لو تمدّك بالدراهم خزنة البنك التجاري!!
سعودالعصيمي=
كيف يقطع والحريقة نارها وسط الضفيره=الله اكبر من علومك ياغليص ويامكاري!!
من زرع له بر يحصد بر مايحصد شعيره=ورثنا من جد جدي ماندورها عـواري؟
عيد العازمي=
سايق البابور عظمه ماشكا هـم وجبيـره=يسبح البحر الغزير وياصلك ذيب المساري!!
لاتغرّك هقوة الهاقيـن وتشـوف الكسيـره=كبّروك ولبّسوك وساعتينه وانت عـاري!!
سعودالعصيمي=
مانذمـك فالصغيـرة والحمـل نعـرف بعيـره=اسر وامرح واسترح ياعيد وانا معك سـاري.
لاتخلينـي عليـك اضحـك جمـوع غفـيـره=وانت شارك وسط زارك مير تمشي تحت شاري
عيد العازمي=
لامـدوح ولامذمـه والبـرا مدقـوق زيـره=كيف تهنا بالمنام انكان بالراحـات ضـاري!!
انت شورك تستمدّه من سمير ومـن سميـره=رح على وجهك وميعاد العتب ذات الصواري!!