الله أكبر
وانخ الفهد يدعمك بسلاح واعتاد=وتسعين فوج من قبيلة اعتابـه
لطامـة العايـل وللمـوت وراد=وذباحة الحايل لضيف وصحابـه
عتيبه الهيلا لها الضيف يرتـاد=فكاكة حبال النشـب والنشابـه
لاهنت يا ابو محاله
وصح السانك والسان
الشاعر والمؤرخ : ماجد بن مغيرق العصيمي
2 يا ناطقين الضـاد ضيعتـوا الضـاد=لغـة بنـي يعـرب بمحكـم كتـابـه
3 ولغـة نبـي الخلـق وتقـواه والـزاد=و لغة هـل الجنـه نهايـة حسـا بـه
4 من بطن مكه شعشـع النـور وانقـاد=بقيـادة الهـادي وجـل الصحـابـه
5 بأولهم الفـاروق وحمـزه لـه اسنـاد=واول مـصـدق للنـبـي واقتـدابـه
6 في بيت الارقم مشعـل النـور يـزداد=لاظهار ديـن الحـق ومفتـاح بابـه
7 واخذ عمر قوسه وحـول مـع الـواد=وقريـش تخشـى هيبتـه وارتهابـه
8 وقـال الـذي وده ييـتـم لــه اولاد=يلحقنـي بجـال الشعيـب وجنـابـه
9 وهاجر نبـي الخلـق ويتلونـه افـراد=واستبشـرت طيبـه بمقـدم ركـابـه
10 والاوس والخـزرج تهلـل وتنـقـاد=وتعلـن ولاهـا يـوم جاءوالتجـابـه
11 خاضوا بغزواته في احروب واجهـاد=وقضى على اهل الشرك وكر الخرابـه
12 واهل الجزيرة وحـدوا والامـن سـاد=واقـام شـرع الله وحـكـم كتـابـه
13 وبلغ بديـن الله علـى رؤس الاشهـاد=وارسـل مناديبـه وعمـم خطـابـه
14 لكسرى وهرقـل والمقوقـس والافـاد=وعـادت مناديبـه بـدون استجـابـه
15 وجهز ثلاثـة الاف جنـدي بالاعـداد=للروم فـي موتـه وعالـي هضابـه
16 يقودهم زيـدٍ وهـو خيـر مـن قـاد=ثـم خلفـه جعفـر وروحـه فـدابـه
17 وابن رواحـه يأخـذ الرايـه و سـاد=ثم خلفـه خالـد و غطـاء انسحابـه
18 بالميمنـه والميسـره جنـدٍ اجــداد=ومقدمـه ومؤخـره فــي عقـابـه
19 من واقـع التاريـخ نقـرأ بالامجـاد=سيرة رجـال المجـد واهـل المهابـه
20 في طاعـة المعبـود ركـع وسجـاد=رجـالٍ تعبـد الله وتخشـى عقـابـه
21 وايـن الرجـال اللـي للامجـاد رواد=امثـال سيـف الله وراع العصـابـه
22 وابو دجانـه يـوم اخـذ سيفـه وذاد=واللـي لهـم بالفتـح دور و صلابـه
23 والمعتصـم للناخيـه عـد الاعــداد=وأخـذ بثـار اللـي زهـم وانتخابـه
24 وايـن المثنـى وايـن يزيـد وزيـاد=وعمرو وابن وقـاص واللـي حذابـه
25 واين بـن الاسـود واللملقـب بمقـداد=وابـن معـاذ وجيشـه اللـي غزابـه
26 وجيش العبادل يـوم كلـف بالاعـداد=حطم عـروش الـروم يـوم التقابـه
27 واسباط سيدنا و هـو خيـر الاسيـاد=سـادة هـل الجنـه وسـادة شبـابـه
28 لفتـح شمـال إفريقيـا جيشـاً أمـداد=لابي سـرح وابـن الزبيـر أستنابـه
29 عاشـو بكروفـر وحـروب واجهـاد=تحـت سمـاه وفـوق عالـي ترابـه
30 وصلوا الـى النهريـن وديـارٍ أبعـاد=والصين واقصى الصين حتى إنتهابـه
31 ودار البخـاري والنسائـي والأكـراد=ودار الخوارزمـي ومـن قـد مشابـه
32 وصـلاح الأيوبـي بعقـل وتركـاد=اللي حمـى الأقصـى وطهـر جنابـه
33 من رجـس قـوم الزندقـه والتجـلاد=طهر تخـوم الشـام وذلـل اصعابـه
34 حمـوا حمـى الإسـلام يـوم الله أراد=ودكـوا كنايسهـم مـن أعلـى قبابـه
35 لهم الفخـر واللائمـه جـت للأحفـاد=والجبـن والخـذلان خيـم سحـابـه
36 بقلوبـنـا هــم وغــم وتـوجـاد=علـى مشاهيـر العـرب والصحابـه
37 تـواردت فكـري تماثيـل وأنـشـاد=وأحترت مـا بيـن السـؤال وجوابـه
38 للشعـر دور وفـن وأسلـوب وأبعـاد=والشعر ياهـل الشعـر فـن وذرابـه
39 وللشعر ياهل الشعر مصـدر وميـراد=مـن واقـع الأحـداث واللـي قرابـه
40 بلحـون مـن مكنـون توجـات وراد=تقفـي وتقبـل واللـسـان ابتـدابـه
41 مالي جدى الا الشعر وسيفي بالاغمـاد=علـى محظـوره مقايـض نصـابـه
42 من قـوم يـس وي صنـاع الاعتـاد=لابـد مـن يـوم يغشاهـم ضبـابـه
43 يـا قـوم يـس وي زاد الخطـا زاد=اهدافـكـم تحقـقـت بـالاصـابـه
44 البارحـه بالقلـب مخـبـر ونـشـاد=ومتـابـع الأخـبـارزاد التـهـابـه
45 أخبار مـا تفـرح ونظـراتٍ احـداد=مـن كافرٍفـي عـز بـادي شبـابـه
46 زنديـق متغطـرس وملحـد وجـلاد=سلالـة يـهـودٍ مالقـالـه مجـابـه
47 قـام يتهبـد فـي عربـنـا تهـبـاد=مـع كبريـاءه وقامتـه وانتصـابـه
48 مع زمـرة الليكـود وأقـلام موسـاد=ومنـاورات الدجـل نهجـه ودابــه
49 يضرب بسيف الغير بعنـف وتمـراد=وعريبيـا ماهـوب حاسـب حسابـه
50 من كل حدب وصوب نرمى بالأحقـاد=حقدٍ يكال النـا مـن أخبـث عصابـه
51 قامت تناهشنـا مـن الغـرب حسـاد=ودبٍ مـن المشـرق يكشـر بنـابـه
52 حـربٍ صليبيـه وأهـل أفكارٍابعـاد=أطماعهـم بالشـرق كـلٍ درا بــه
53 وحنـا نطبـل دون توجيـه وأرشـاد=وتفـرض علينـا الهيمنـه والرقابـه
54 ونشاهد التلفـاز ونسمـع مـن الـراد=ولانستطيـع نقـول للغـرب جـابـه
55 نشجب ونستنكـر وبالصحـف نقـاد=والفعـل مامـن فعـل عنـد اكترابـه
56 عــرب هـويـه للـمـلـذات رواد=ولا فكروا بارض الوطن واغتصابـه
57 افكارهـم متشتتـه مثـل الاوغــاد=يطعن بعضهم بعـض ويعلـن سبابـه
58 بتهديـد وانـذارت وشتـم وتـوعـاد=علـى المنابـر بالخطـب والخطابـه
59 عبر الاذاعه بالصحـف جـد واعمـاد=ذا يحكـي بهـذا والاخــر حكـابـه
60 من نكبه بنكبـه هـذا شـىء معتـاد=فيروسهـم مالـه طبيـب وطبـابـه
61 لو صوتـت مكـه للازهـر وبغـداد=واهـل اليمـن والشـام بالاستجـابـه
62 والمغرب وشعب الجزائر جـو امـداد=وطرابلـس والقـيـروان وشبـابـه
63 وشعب الخليـج التـم ونادابـه منـاد=وتضامـن السـودان واللـي رعابـه
64 وكراتشي مـع كابـل وحيـدر ابـاد=والتـرك وتركستـان واللـي ربابـه
65 والبوسنه والهرسـك وذيـك الانجـاد=ومن دينه الاسـلام يحسـب احسابـه
66 من اقصى فريقيـه الـى دولـة تشـاد=والهند واهـل السنـد واقصـى تبابـه
67 بتكبيـره وتهليلـه وزنـد وازنــاد=دفاعٍ ٍعـن القـدس وطـرد العصابـه
68 بجحافـل منهـا الاعـدو يلبـد البـاد=مثـل النعـم بيـن الحمـاد وشعابـه
69 بكلمة هل التوحيد نحصدهـم احصـاد=ونرمـي جثثهـم للسبـاع وغـرابـه
70 على عقيدة صدق ما نـا قـف احيـاد=والنصـر مكفـول بمحكـم كتـابـه
71 لـو يلتحـم مليـار مسلـم بتـعـداد=محـا بنـي صهيـون ودمـر اقبابـه
72 وتراجـع الابيـض وخلـى التـهـداد=وتراجـع كلنتـن وقصـر النيـابـه
73 كلنتـن يواعـدنـا بــود وتــوداد=لاعـاد يـوم فيـه تــم انتخـابـه
74 لعيوننـا وعيـون غضـات الانهـاد=من اجل مضخـات البحـر واجتلابـه
75 والبيت الاحمر كـف عقـب التحشـاد=بعـد التفكـك يلسـن اللـي بقـابـه
76 والصبر طال ومعهـم الصبـر مافـاد=والقاضـي كلنتـن وحكمـه قضابـه
77 للصبر حـد و صبرنـا ينفـد انفـاد=والقـدس تنخانـا وتشكـي صـواب
78 وجراحها تنـزف ولايوجـد اضمـاد=وحنا كمـا الشطرنـج ولعبـة لعابـه
79 تصرخ وتستصرخ ولابسـتٍ احـداد=مـن جـور هـدام الكيـان وخرابـه
80 تقـول واسلامـاه وتعـض الأنجـاد=في قضية إسرائيـل وتحـت أنتدابـه
81 وحتيش لو نمشي في اجـرود واجـراد=مـا ينجلـي هـمٍ تراكـم ضبـابـه
82 من سئ إلى اسوى وعميـان وارمـاد=نخضع للامـر الواقـع وامـا جرابـه
83 أوقاتنـا كـوره مـن استـاد لستـاد=ودش الخلاعـه للعـقـول وذهـابـه
84 بعض الشباب اجروم وازوال واجسـاد=حـداه عـن درب القـدا مـن حدابـه
85 لا صنعـة باليـد ولا افلـح ولا فـاد=عاله على أهله والوطن وش يبـا بـه
86 لو طول اشنابه على مـاش وش عـاد=سائـب ومتسيـب والأخـلاق سابـه
87 معقـد ورب البـيـت زاد التعـقـاد=ويلهـي بلهـوات الجهـل والتهـابـه
88 مع بشكة أهل السوء وأشرار الأوغـاد=واجـب نحـث أولادنـا باجتنـابـه
89 الغزو فكـري ضـد فلـذات الأكبـاد=لجرف الشباب وجرف بعض الشيابـه
90 فـي كـل عالمنـا الغـزو زاد وأزداد=مالـه عـلاج ولا يفيـد الـدوا بــه
91 كتب علينا الـذل مـن كـل مصطـاد=وصرنا طعام الطيـر وحايـم ذبابـه
92 لو نغتسل بالبحـر والنهـر مـا فـاد=مـا تنظـف أدران الوسـخ والجنابـه
93 أرض العرب صارت توزع بالأقصاد=وحنان رضيت بـه وياسـر رضابـه
94 وحنـا نفاوضهـم ونخـدع بالأوعـاد=وعـار المـذلـه لبسـونـا ثيـابـه
95 لـو نتوحـد صـف نخمدهـم أخمـاد=ونشعل فتيل الحرب ونشعـل شهابـه
96 يا حيف كيف العـرب للغـرب تنقـاد=تخضـع لأوامرهـم وتحـت الرقابـه
97 بعض رؤاسهم مـن زنادقـة الإلحـاد=مشكـوك فـي عروبيتـه وانتسـابـه
98 وش عذرنا من ربنا يـا هـل الضـاد=أمـام رب الخلـق وبطشـت عقابـه
99 ما مـن قلـوب ولاش مـرٍ بالأكبـاد=ولا من ضميرٍ حـي يوحـي الندابـه
100 بقـومٍ تصادقنـا وبالباطـن أضـداد=وعريبيـا منكـابـة بـأثـر كـابـه
101 حـرب صليبـيـه وللـنـار وقــاد=والمسجـد مطـوق ومغلـوق بـابـه
102 مطوقـاً بجنـود وسـلاح واعـتـاد=ومصفـحـات مجـهـزه للحـرابـه
103 بأمـر نتنياهـو وجمهـور مـوسـاد=في هضبة الجـولان يشهـر حرابـه
104 نصب صواريخـه ورادار وارصـاد=ويهـدد وينـذر بـحـرب ونشـابـه
105 فازوا بها واللائمه جـت لمـن حـاد=وانـصـاع للـخـذلان والاكتئـابـه
106 رؤس اليهود اهل الدسايـس والافسـاد=والبيت الابيـض مرجعـه واحتجابـه
107 يبني فـي الجـولان ويـدق الاوتـاد=وحنـا غدينـا للصليـبـي نهـابـه
108 لو فيه شمس من امس جاءلـه توقـاد=في هضبـة الجـولان واللـي بنابـه
109 من مؤتمـر بـال وحنانـوم وارقـاد=واحلامنـا مثـل الهبـوب وسـرابـه
110 مانتعض مـن وعـد بلفـور ياطـراد=وخطـط بنـي صهيـون والانقلابـه
111 لو يعلن القـاده لنـا حـرب واجهـاد=لتحرير بيت القـدس عقـب استلابـه
112 على نمـط عمـر وحشـده للأجنـاد=اللـي وصـل تـل المكبـر وجابـه
113 بعزم وحـزم مافيـه جبـن وتـرداد=لتحرير بيـت الله مـن اللـي عدابـه
114 مفروض نعتـزل النسـاء والتوسـاد=ونخجل مـن الله والنبـي والصحابـه
115 ونضرب عن اللذه ونضرب عن الـزاد=ونمشي سوى للقدس صـف وحزابـه
116 القدس تشك الجور وترسف بالا صفاد=وتلعـن نتنياهـو وابـو مـن زنابـه
117 بيقن يقول الهـم فـي الأرض ميعـاد=يحتـج بالهيكـل وضيـع صـوابـه
118 هيكـل سليمـان الـذي بيـد وبــاد=زاله مهب الريـح مـع مـن غدابـه
119 وبادت طسم وجديس وثمود مـع عـاد=وهامان مـع فرعـون مااحـدٍ بقابـه
120 قبـل ثـلاث الاف عـام بـالاعـداد=وميـة سنـه بروايـة اللـي روابـه
121 قبـل المسيـح ولاش تاريـخ ميـلاد=بقـرون ماتحصـى ونجهـل حسابـه
122 بعد سبيـئ بابـل جماعـات وافـراد=غدوا شتـات وذاقـوا أقسـى عذابـه
123 ارض العرب من قبل عنتـر وشـداد=عصبـة بنـي كنعـان مابـه طلابـه
124 من غربي المغرب الى شـرق بغـداد=مهـد العـرب نافـي شـك وغرابـه
125 ماله في ارض العرب ملجـأ ومقعـاد=دنـس تـراب ابلادنـا اللـي وطابـه
126 القـدس تبـغـي نــاس لله زهــاد=ماقلـدوا بيـقـن ولبـسـو اثيـابـه
127 ماهم سـوات اللـي للأصنـام عبـاد=نسيـوا عقيدتهـم ونسـيـوا كتـابـه
128 مثل النعم تسـرح وتمسـي بالاوهـاد=تحت جنـاح الليـل وسـط الزرابـه
129 عاشـوا بسـوق العربـده واتعربـاد=وميـدان شهـوات الجهـل والخيابـه
130 مكبليـن بـيـن صـائـد وصـيـاد=في هضبة الجـولان وسينـا وطابـه
131 من المستحيل النصر من غيـر معـواد=معـواد للمعبـود ورجـوى ثـوابـه
132 مـا يعبـد مـع الله تماثيـل وانـداد=ومـن حـط لله نـد يلقـى عـذابـه
133 لابـد مـن يـوم يبـددهـم ابــداد=فـي ساعـة الاهـوال والانحطـابـه
134 لعبوا على اطفال الحجـارة بالاوعـاد=واستوطنوا بـالارض وتـم اكتسابـه
135 وسلامهـم صـوري وجمـد تجمـاد=وامالنـا خـابـة ولا فـيـه ثـابـه
136 لو اشتهوا حـل النزاعـات مـا كـاد=حطـوا لهـم بالقـدس وكـر ونقابـه
137 مسكين ابو عمار وش عـاد وش عـاد=يحلـم بعـرش رئاسـة ماارتقـابـه
138 مـا بيـن ذاك وذاك سـرداد مـرداد=هـذا يخطـط لــه وذاك اختـلابـه
139 صلى على رابين وشـارك بالاعيـاد=اعيـاد مبتدعـه بزيـف وغـرابـه
140 ما تفلح وجنـدك عـن الحـق صـداد=حلمك سرابه مـن خدعـك وسرابـه
141 مابيـن غـار ونـار مشـدود بقيـاد=ولامـن صلاحيـه ولامـن مهـابـه
142 برحلـه مكوكيـه مـن بـلاد لبـلاد=وساع البريد اخفق مـع اللـي سعابـه
143 عمر لـك ارقيلـه وسـو لـك بـراد=وهات الكمنج وجـر قـوس الربابـه
144 والا دخـل المسجـد وصـل التهجـاد=واقـرا فـي السبـع المثانـي وبابـه
145 اقرا بسـورة فاطـر وغافـر وصـاد=واقرا في المصحف مـع اللـي قرابـه
146 خدعك حزب البعث وسعـدون حمـاد=وهويـت مـع صـدام باللـي هوابـه
147 من الخلق والاخـلاق مجـرد تجـراد=وخيب رجاء شعبه وخـاب الرجابـه
148 وانته تعرف الحـزب وكـر للافسـاد=مؤسسـه عفلـق وزمــرة كـلابـه
149 تبي حكـم ذاتـي و سلطـة ومرقـاد=عنك ابعد من الشمس وموقـع مغابـه
150 مالك مطير ولا منيـر اجلـد اجـلاد=في قبضـة اكلنتـن وحامـي عقابـه
151 محصور بين اثنين مـا فيـه مشـراد=مثل الطفـل مـا بيـن مامـه وبابـه
152 ازبن على ال سعـود وخـل التمجـاد=سـور البـلاد وهـم ذراه وحجـابـه
153 خدام بيـت الله وقـادة هـل الضـاد=دستورهـم حكـم الشريعـه وادابــه
154 من بطن مكه تعلـن الحـرب واجهـاد=على بني صهيون وجيـش العصابـه
155 بصـوت مجلجـل للعروبـه ورعـاد=والـراي لال سعـود ومفتـاح بابـه
156 وانخ الفهد يدعمك با سـلاح واعتـاد=وتسعيـن فـوجٍ مـن قبيلـة اعتابـه
157 بيـن القبايـل مالهـم نــد وانــداد=وبـاق القبايـل كـل ابوهـا تشابـه
158 لطـامـة العـايـل وللـمـوت وراد=وذباحة الحايـل للضيـف وصحابـه
159 ونطاحـة البـارود مـن دون الاذواد=وحرزالدخيـل الـى زبـن والتجابـه
160 عتيبة الهيـلا لهـا الضيـف يرتـاد=فكاكـة حبـال النـشـب والنشـابـه
161 مع دولة ال سعود من عهـد الاجـداد=ماتنهـزم رايــه وفيـهـا عتـابـه
162 عز الصديـق وضـدٍ لكـل الاضـداد=تشهد لهـا نجـد وشوامـخ هضابـه
163 في وقت ابن هندي وتركـي لهـا قـاد=ومسلـط وسلطانـاً مقـادم عتـابـه
164 مثل القمر بيـن القبايـل وهـو بـاد=ولهـا مكانتـهـا وعــز ومهـابـه
165 قبيلـة يـاوي قبيلـة لـهـا امـجـاد=لادق زيــر الـحـرب ماتنتجـابـه
166 وان جاء نهاراً فيه مطـرود واطـراد=عدوهـم مــا ينتعـالـج صـوابـه
167 والى لفيـت بيوتهـم تلقـى الاجـواد=وكلمـة هـلا للضيـف ويامرحبابـه
168 اشـرس قبيلـه للمعـاديـن والــداد=وبالطيـب والفزعـات مالـه مشابـه
169 اهل الخيول السـرد وسيـوفٍ احـداد=كم شيخٍ اخـذوا عطفتـه مـع زهابـه
170 لو تـوزن مـع اقرانهـا وزنهـا زاد=هيلاً الـى انهالـت ويحسـب حسابـه
171 رجالهـم صيـاد ماهـوب ينـصـاد=يضحك احجاجـه دوم وليـن جنابـه
172 اقولهـا واصـدق بمـا قلـت يابجـاد=بشهـادة الاسـلاف واللـي روابــه
173 ماهمـا مـن قـال ترديـد الانـشـاد=لازالـت اعتابـه وتبـقـى اعتـابـه
174 بالماضـي وحاليـاً الطيـب يــزداد=وبيوتهم مـن جـاءه يلقـى العشابـه
175 اولاد بكـر بـن هـوازن والاحفـاد=وبني سعـد سـاس النسـب والنسابـه
176 منهم خوال المصطفـى سيـد الاسيـاد=مـن الرضاعـه دون شـك وغرابـه
177 وبني هلال اخـوال خالـد بالاوكـاد=امــه هلالـيـه وتـدعـى لبـابـه
178 لبابه الصغرى بنـت الحـارث الجـاد=في معجم الانسـاب وكتـب النسابـه
179 لهـم بشمـال افريقيـادور واجـهـاد=بنـي هـلال وجشـم وعقبـه بقابـه
180 أنهل من اصحاب السير علم وارشـاد=ماهوب هـذر وسفسطـة مـن هذابـه
181 كـلام موثـق ومسـنـد بالاسـنـاد=ما أخـذ مـن أفـواه العـوام وكذابـه
182 ما نستمع مـن كـل جاهـل وهربـاد=ونهأيـة الجاهـل علـى مـا انتهابـه
183 مـا كـل قصـادٍ يقـال لـه قصـاد=ونصدقـه فيمـا نـشـر وادعـابـه
184 بنـي سعـد قرنـه عتيبـه والأجـداد=بجوامـع السيـره وصفحـة كتـابـه
185 مـا فيـه شـك ولا شكـوك وتـرداد=ومـن كـان واهـم نقنعـه بالأجابـه
186 ما هو كـلام أحمـد وحامـد وحمـاد=والكذب خيبـة مـن كـذب وافترابـه
187 مـا قلتهـا ناقـد ولانــي بنـقـاد=والعلم ثـروة مـن درس واعتنـا بـه
188 ابحـث واناقـش واتـركـد تـركـاد=والله أعلـم بالخطـأ مـن صـوابـه
189 نبذه عـن عتيبـه وذكـرى لـلأولاد=من ماضي الأزمان واللي مضـا بـه
190 وشمر لهم سطوه واهل بـاس واعنـاد=وجمع البقوم وحرب وحـرث شبابـه
191 ومطير أهل وقفه واهل خـف واجيـاد=من الحره الى أرض الحفـر واللهابـه
192 وأولاد وائـل مرغمـة كـل حـسـاد=وقحطان والغلبـا عـز مـن اعتزابـه
193 وجمع الظفير اللي لهـم كـار واشـداد=أهل البيـوت مزبنـة مـن لفـا بـه
194 وثقيف حرز وركن واركـان واعمـاد=وجمع بني مالـك سنـد مـن تلابـه
195 وجمع الفضول دروع وسيوف واعضاد=تأطى المخاطر مثـل شهـب الذيابـه
196 سلالة بني لام الهـم أذكـار وأمجـاد=وتميـم لا دقـت طبـول الحـرابـه
197 وجمع بني خالد كمـا وصـف رعـاد=سيـل الـى دم الــه وادي غـدابـه
198 وجمع السهول ويام قيـف الـى قـاد=بأولهـم العجمـان م أحـد يهقـا بـه
199 وأهل اليمامه مثـل نـوءٍ الـى أنقـاد=وأهل القصيـم مطوعـة مـن نوابـه
200 وجمع اكلب وشهران ودوسر هل الواد=مثـل الجبـال وغابـة سـد غـابـه
201 وسليم وقضاعـه مـا افندهـم افنـاد=وهذيل ورجـال المـع ومـن حذابـه
202 وزهران مع غامد هل البـاع والمـاد=مثل الخيال الـى ضفـا مـع ضبابـه
203 وجمع رجال الحجر تاقـف بمرصـاد=وبالقـرن مـع شمـران قـوه ولابـه
204 وقبايـل الاشــراف للهادي احـفـاد=رجالهـم ينطـح جـمـع لالتـوابـه
205 وجمع البواهل مع بنـي زيـد الأنـداد=مثل الرمح والسيـف وسلـة انصابـه
206 وجمع بني هاجر والمـره لـه زنـاد=عدوهـم مـا يهتنـي فـي شـرابـه
207 وبنـي عطيـه والحويطـات هــداد=تهـد هـامـات الـعـداه ورقـابـه
208 وجمع الحوازم والعـوازم الـى انحـاد=سوق الوغا قـد بـاع بـه واشتـراب
209 وجمع الشرارات الهم افعـال واجـواد=للمعتديـن اعـداء وعــز القـرابـه
210 وبني رشيـد حيـود ماهيـب تنحـاد=لاصـار يـوم فيـه غلـب وغلابـه
211 والمملكه شعبه الى اوحـى لـه منـاد=يفـدي بمـا يملـك وروحـه فدابـه
212 اهـل الفتـح منـا جـنـودٍ وقــواد=واول سهـم بالديـن واللـي رمـابـه
213 لله عـبـاد ولا رضــاه زهـــاد=نصـوم ونصلـي لرجـوى ثـوابـه
214 مانعبـد الاوثـان واحجـار الاحــاد=مثـل الـذي يعبـد صليبيـه وكابـه
215 لـو نتجـه للقـدس بضميـر وافـواد=قلـب وقالـب ليـن ندخـل رحابـه
216 بهجوم معاكس على القدس مـن غـاد=لتحطيم جيـش الغـدر عنـد اقترابـه
217 بنصرا محقـق كـان رب المـلا راد=وكـان انخـذ لنـا الله شديـدٍ عقابـه
218 والخاتمه صلـو علـى سيـد الأسيـاد=سيـد مـن أيـد سيرتـه واقتـدابـه
| التوقيع |
إن قلَّـت الوزنـه وربعـي مشافيـح ** أخلـي الوزنـه لربعـي واشـومـي
|