[الكاايد]

مطلق
يالعصيمي قـوم لا قامـت عليـك قيامـة
ياخـوي الجنـب لاخلفـي ولا قـدامـي
مرحبابك يالتهامـي بعـد جيـت تهامـة
واشرب الماء من شفاء عد يروي الضامي

مستور
مادخلني ذل من بحر طويل القامـة
وانت تعرفني رفيقك للبحر عوامـي
البقاء من هاجس ماينقص الخصامة
حقهم ووجوبهم لو طالـت الأيامـي

مطلق
مالفيتك لين حتى جونـي العزامـة
ماتوخر بعد ماجاني ميـة عزامـي
بعد ماجاك الجمل قود الجمل بخطامه
واشعبه يم اليمن ولا اشعبه للشامي

مستور
منـت لا منـا ولا ترضابـك الغرامـة
مار نص الليل لا تسريبـك الأحلامـي
والجمل خايف تراقل في الطريق عظامه
مايبا يصبر على شمس النهار الحامي

مطلق
والله انا مارجينا قرصكم ويدامه
والثبيتي ماتمنا ورثة الايتامي
جاك مسلم كل خلق الله تعرف اسلامه
لو ينام الذيب طرفه ساهراً مانامي

مستور
مالك الا ماش ياخشمً يطق اعرامه
قلت لاتغدي بك الضنات والاوهامي
ياعسى المسلم يكمل حجته وصيامه
مثل ماكملت قبله حجتي وصيامي

مطلق
الحرامي لو سرقنا بندقه وحزامه
ان وقف ماعاد يجلس وان جلس ماقامي
بعضكم يومي براسه ماعليه عمامه
وانتم اللي تنقلون الصحف والاقلامي

مستور
الكذب إلسانه ازين من لسان الشامه
سلعةً وسط الشرى والبيع ماتنسامي
البيوت انعزها وانتم لها هدامه
مار لاتومي بنبوتك يابو عرامي