[علي فلاح العضياني]

تواصلاً مع هذا القسم :

مقوّمات النجـاح العـزم و الهمّـه=بعد التوكل على المعبـود سبحانـه
في كلّ علمٍ يخصّ الرجـل و يهمّـه=إليا بغى يدركه يتعب علـى شانـه
من يبتدي فـي لزومـه لازم يتمّـه=ما يعتبر فعل لين يشـاف برهانـه
من حطّ في باله إنّـه ينجـز مهمّـه=قبل الحلاوه يـذوق المـرّ بلسانـه
لو إنّ صدره يضيق و يحترق دمّـه=يوم الدّهر قام ضدّه يحشـد أعوانـه
يلقى بدربه ظروف الوقـت ملتمّـه=و تزيد قوّة عزومـه قـوّة إيمانـه
تعطيه دنياه درس مهـمّ و يصمّـه=مضمونه الجهد و التوفيق عنوانـه
ما يدري اللي يسبّ الوقـت ويذمّـه=إنّ الصبر للفـرَج مفتـاح بيبانـه
إسلك طريق العلا تطلع على القمّـه=طير السعد ما يقلّـه غيـر جنحانـه
اللي يحقّـق مـراده ينجلـي همّـه=بيسرّ صدقانه و بـ.. يغيض عدوانه
و اللي يضيّع طريق المجد و يخمّـه=حتّى أيش لو يفتخر بفعـول جدّانـه
هذاك فالوقت ما أحـدٍ يلتفـت يمّـه=ما له مقام و حياتـه مالهـا خانـه

و سلامتكم

التوقيع

(( رأس الحكمه مخافة الله ))