والله يا إنسان قابـلته=شكله ياخذ من شكل اخته
نزل راسه ساعة شفته= وشـعــيــراتـه مــايــلات
قصة مايكل معها الجنـز= وشعـيـراتـه ذنيب العنز
طموحه بـاسكـن روبـنز=وخــديــدات نـاعــمــات
كل يـوم يـتـغـيـر شكـله= بين القصة وأيضاً البدلة
حـتى يـتـنكـر من أهله = والـنــتــايــج ضـايــعــات
ذكرت حـديث الـرســول=صـارحـته ما هو معقـول
وش جنسك يابن الأصول؟ = شكلك من جنس البنات
إلى مـتى وأنـت بـغــفـلــة=كــل يــوم كنك في حفلة
وأمور ديـنـك عـنـها أبـله= تـدارك قـبــل الــمـمـات
قالي : قـاسي لا تجرحني= أبـعـد عـني لا تـفضحني
(ياااي) أسلوبك ما ينفعني=ما عــنـدك مـجــامـلات
قلت أطـلـب الله سـبـحـانـه =الـمـعـتــلي جــل شـأنـه
يـهـديـك للـحـق وبــيــانـه =يـالله نــسـألـك الـثــبـات