العمده =
العازمي في نجد ما يدري عن اللي فالحجاز=وان مرها من طيب قلبه ما سلم من شرها
عليه من ربعه سلام ومرحبا وأمر احتجاز=وان كان يبغا حلوها لا يقترب من مرهـا
العازمي =
العازمي ماهوب هامل معه فاللازم جواز=راسه مسنّد من قبيله فالمواقف سرها!!
اثرك يالمستكشف العمده معك حق امتياز=ميزة تجسس فالجزيره بحرها مع برها!!
العمده =
تحت الثرى بترول يا افندي وحوله حقل غـاز=وزارة البتـرول تــدري عـنـه لله درهــا
المذهب اللي لج باعلى الصوت وين اقرب جهاز=دنياه ولى بردهـا المرغـوب واقبـل حرهـا
العازمي =
خلك محلك يالعتيبي لاتروز ولاتراز=مالك ومال الخلفه اللي عند اهلها درها!!
ماني بخاسر شئ وان صابك من العلم اهتزاز=البس عباتك وانحر ابواب الدواير جرها!!
العمده =
يالعازمي ما يربح اللي فارق الارض العزاز=خسران راس المال والمكسب ونفسه ضرها
قصر على صوت المسجل ثم نزل فالقـزاز=ن جاز والا اذنيك يا شيخ العوازم غرهـا
العازمي =
ادخلت يدك ولامست كهرب من ال200 فاز=وان طعتني كفك ورى روحك تذر وذرها!!
ماسوق فالدعوى بعيرٍ عاثره طول النحاز= بعض البشر ماضرها لو كل ليل امرها!!
العمده =
خليت فتوى ابن عثمين ووصية لابن بـاز= واظن مالك حظ لو كـان الثيـاب تزرهـا
اليا غدت كابل ترى الاسباب من حامد كراز=واحد من ابناها لكنه يا عـرب مـا برهـا
العازمي =
عندي على بعض الفتاوي يارعد نوع احتراز=في وقتنا التالي مشايخ كمّ علمٍ غرها!!
النشمي الظاهر معه علمٍ من الليله مجاز=لكن مانقبل شعير المزرعه مع برها!!
العمده =
اللجنة العليا مصرح قولها دون اعتياز=لادنى شهادة من خلايق كل نزغ يفرها
اليا تولاك الزمان اصبر لطول الابتزاز=لين الليالي يتضح لك عبدها من حرها
العازمي =
اللي على غرّات خلق الله جداه الانتهاز=معذور لو كبده تراقص والثياب ايقرها!!
على الله المعبود ماغيره عليه الاعتناز=الارض محكومه ومشط الرجل ياطا ذرها !!
العمده =
حنا نبا نظهر ونيت القوم من بطـن الغـراز=لكنهـا فكـت علينـا ثعلهـا مـع هـرهـا
وزعتك مما فوق الارض وقسم غيرك فالركاز=يا طيب هقواتك لكنك يابن عاصـي صرهـا
الله الله
ياسلام سلم على
العمالقه
العمده
والعازمي
صحت السنتكم
وبيض الله وجيهكم
محاورة خمس نجوووووم
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|