كثر موت الفجئه في هذا الزمن فعبرت عن أحوالنا بهذه القصيده !!! جعلنا الله و إياكم من المعتبرين !!!
(( جمعــااات الجماااعــه))
ماعاد فالدنيا مخلا و مرتاح = ولا عاد لالسجات فيها محازي
كانت تجمعنا عيادات و افراح=واليوم جمعات الجماعه تعازي
وهذاك عهديبه على جنازة الصاح=و هذاك في عمه لقيته مجازي
عقب الزمان اللي مقاديره فياح=وجمعات شيباناً خياراً عزازي
وفلان يباركله على عيال و مراح=وفلان يخطبله و عنده جوازي
يالله تحسن خاتمتنا و نرتاح=ان كان دنيانا نوت بالمخازي
***ابو ماجد***