حبيب العازمي
الثبيتي يجر الصوت في وسق حره
حرة ٍ دونها الروقه وبرقا وراها
والحقيقه بعيني شايفه كم مره
يوم يمشي مع الحره ويقلب حصاها
مطلق الثبيتي
الثبيتي يعرف الوقت خيره وشره
كل ما شاف له عله يدور دواها
كان والياك يا رجال قصاص جره
اعرف النجمه اللي حولت من سماها
حبيب
يالثبيتي ترانا ما نبى لك مضره
لا تميل على ربعك وتشقر عصاها
التفت للسماء واعرف نجوم المجره
ما التفت يم نجمه غايبه في خلاها
مطلق
روح الطيب والمعروف في شوخ مره
كل ما جيت بالخطه سموك عصاها
وقتي اللي مضا ميزت برده وحره
والليال القريبه يكفي الله بلاها
حبيب
من بغى الطيب يبشر به ولله دره
مير ما جات بمنوتكم ودارت رحاها