محمد غازي النخيش
هلا يامرحبا ترحيبة أهل المنزل المعمور=تراحيب الوفا لأهل الوفا وطوال الايماني
ياعبدالله تهيض دام في سد البحور بحور=عساها ليلةٍ فيها المعاني شانها شانـي
عبدالله القثامي
يدوم الك البقاء والله يزيدك يا شعـاع النـور=ابا اسولف واغنـي واتمنـى اللـي تمنانـي
انا ابا انشدك عن دور الاديب اللي قرا الدستور=اثـر بعـض الادب يالله ياربـي لا تبـلانـي
محمد غازي النخيش
وصلني منك شور العام لكن وين راح الشور=بعد باب الميانه مع صحيبـك راح مجانـي
بعد بذل الجهود العلم يظهر والكـلام يـدور=ولا هو حق تركيز العـرب بفـلان وفلانـي
عبدالله القثامي
عطيتك شور وانته رحت لاصحاب العمي والعور=ذكرتك يامحمـد ولـد عمـي وانـت تنسانـي
لقيت الشيخي موقع رساله بسم ابن مشهـور=وبن مشهور ما يخفى العرب وصـل العطيانـي
محمد غازي النخيش
أنا ما أقول جا من شورك إلنا العام باب اقصور=ولكن العرب ما أبغـى لهـا ويـاك جحدانـي
حفرت اسمي على صم الصخر لو سيلكم حادور=أكافـح باليديـن بعـرف والضربـه تعدانـي
عبدالله القثامي
يابو غازي ضعيف النفس لا منهي ولا مامور=ليا جاب العلوم يجيبهـن اشكـال والوانـي
حفرت اسمك لاكنك يامحمد راجـع الدكتـور=لقيت اسمك موزع بين ذا قاصـي وذا دانـي
محمد غازي النخيش
بغت فزعتك تنزلني من أعلى دور لأسفل دور=ولكـن الفطانـة جـددت دمـي بشريانـي
انا لاجبتها ذربه ماواحد قـال لـي مثبـور=أنومس راعي الهمه وأكدر صـدر عدوانـي
عبدالله القثامي
جنوبك يالبعير شعيل ما تقوى على الساطور=ولن طاح الجمل كلن يقطع فيه مـن دانـي
هذا لن جبتها ذربه وكلن قال الك مشكـور=لاكنك يا محمد لابس لـك ثـوب نصرانـي
محمد غازي النخيش
نداحم بالجنوب اكبار الأسماء والوفاء مخبور=ومن لاشاف فعل أهل الوفاء يالقرم عمياني
نبيع ونشتري غالي ونبـدأ فـأول الطابـور=وأكرم مثلك وشرواك لاجا البيـت ينصانـي
عبدالله القثامي
تقوله يا محمد وانت لا مطلـق ولا مستـور=ان مدري تبا تهرج معي ولا تحداني
ولا يا صاحبي مانته على بعض الشرا مجبور=ترى ماكل سوق فيه من غالية الاثماني
محمد غازي النخيش
أقول الحق وأنت تحاول تضده بدون شعور=انا مدري وش اللي صار بك ياطير حوراني
تبا تشهد على الدعوى أو إنك تدعي بالزور=جنيهات الذهب هلت عليكم مثل الامزاني
عبدالله القثامي
تقول اللي تقوله واعلم اني ما كليت السور=انا ما ابغاك تاكل سور اهل رابغ وعسفاني
ترقا في المراقي والدعاوي سيلها دعثـور=لا تملك عصى موسى ولا خاتم سليمانـي