رعد الروقي
تزحزح جبل سنجار واخلى محله يا عصيم=وانا مفتكر وشلون برقا تغطـي موقعـه
لكن الجبال اللي تذري من الوقت القديـم=على حالها في ساعة الضيق والا فالسعه
سعود العصيمي
تزحزح بكيفه ماتزحزح على يمنى غريـم=وبرقا لها شعار وسباع ضـد المسبعـه.
مانبغالكم فزعه وجزعه وحنا فـي نعيـم=بعد ماقسمت الصف صفين صفك رح معه.
رعد الروقي
بكيفه لكنه ما حسـب حسبـة اليـوم العظيـم=وخلف جبل راسي سواته لـو انـه يصنعـه
على الهون واخذ الشيك مفتوح من كف الكريم=وخل الشكـوك بعيـد واللـي يقديـك اتبعـه
سعود العصيمي
نهار الحشر ماغيره اكبر منه وانته فهيـم=وحنا خصيم الشر بالشر نقـدر نشبعـه!!
انا في غنا عن شيك رجل ٍ كما العمده عقيم=وعيني يقدني نظرهـا وعلمـك رجعـه؟؟
رعد الروقي
ترى تمرك اللي فالحساء يالعصيمي..والقصيم=ما اظنه يسد العجر حتى لـو انـك تجمعـه
لكن ان حداك الوقت عنّ الفرس وازبن ثليم=بلاش المكابر .. يا جويع اسمع العلم اسمعه
سعود العصيمي
تحت رحمة الرحمن والله على خلقه رحيم=لكن الوصل ياراعي الوصل وشبك تقطعه!!
انا مانـي بحاجـة لمـدة كريـم ولالئيـم=و لاني مكابر والعتيبي لياطـاح ارفعـه.؟
رعد الروقي
اذا في خزينتك الاخيرة ليـا هـب النسيـم=جنيهات .. ما تظهرك لا جيت وسط المعمعه
لا والله بديت تشد وانته على خبري مقيـم=ولديت باب الخير لـو مـا خلافـه منفعـه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|