[ابن المحايا]

مشكور يامتابع على هالمحاورة الرائعة


وماشاء الله عليك سبقتني في انزالها في هذا الموقع


والشكر موصول للاخ سامي السويهري اللي نزلها بالامس في اليوتيوب


وهذا المحاورة كتابية عشان تساعد في فك رموز هذه المحاورة



<<هذا اذا عرفتوا تفكون رموزها


وان شاء الله الاخوان يفيدوننا في هذا الموضوع وان عرفنا شيء منها ماحنا مقصرين




الزلامي



ياسلامي سـلامٍ يقنـع الحاضريـن
راعي الحفل والحفلـه وجمهورهـا
يالسناني وصل عمرك ورى الأربعين
وانت تعبد قبور التـرك وتزورهـا



السناني



مرحبا يازعيم الدفعـه الآوليـن
بعدما نشبت اللقمـه بحنجورهـا
لا منافق ولا خاين من الخاينيـن
وانت تبحث عكاظ وتبحث قبورها



الزلامي



بس ابوجز لك الموضوع في كلمتين
البلا في بطون الزمـل وظهورهـا
لو جزع كل قلب ولو بكت كل عين
قشر الأيام شبعت وتركت سورهـا



السناني



سِجل اسمك مع المقفين والمقبليـن
اكتشفنـا علـى العلـه ودكتورهـا
ادري انك على الموضوع قلبك حزين
مير روس العرب مختلـه شعورهـا



الزلامي



عقب راحوا ثلاثه ويش ابي بالثنين
مابقي شمعة نمشي علـى نورهـا
انت مسلم ومثلك سربـة مسلميـن
المصيبه عتيبه فاحـت اصدورهـا



السناني



اربعه واربعه واثنيـن متقابليـن
كان تقدر تدق البـاب وتزورهـا
انت اظنك تبي تخرج مع الخارجين
مير ربعك عتيبه تدرس امورهـا



الزلامي



انت صادق لكن العلم جبته منيـن
صرت طمعان فالجنه وفي حورها
اطلب الله على الدنيا واهلها يعين
برّكت فوق صخره وانجرح زورها



السناني



جايبه من رياض النخبه الصالحيـن
قالـوا ان الزلامـا منتهـي دورهـا
بعدما وقعت المنحه علـى شارعيـن
ضاقت اهل القصور وصكت اقصورها



الزلامي



اصل من جاب هذا العلم واحد لعيـن
من عصى شور ابوه امه لقى شورها
عذبتنا الرحاه اللي تـدش الطحيـن
والسناني مايعرف ويـن خابورهـا



السناني



جاب سرك كبير اصحابك الطيبين
كلمةٍ صدقها مشكوك في زورهـا
الرحى بالشتكم وانتم معرضيـن
كل ليله يديكم تدهـن اسيورهـا