مستور العصيمي =
سرا الليل ياصياف كلآ معه مشروع = والارزاق ماهي بالمنا واسر ياساري.
ابااشرح لك القصة وبيّن لك الموضوع = نصيحه تعود يمنا واسر ياساري.
صياف الحربي =
عسى الله يبارك فيك يالتابع المتبوع = على خير والقصر انبنى واسر ياساري
بسافر لبحر الصين بكتابي المطبوع = بلاش الملاعب والغنا واسر ياساري
مستور العصيمي =
انا في بلاد الخير وانته ذبحك الجوع = عسى الله يخلي عمنا واسر ياساري.
بنيت الك بيت ٍ فسفل الارض يالجربوع = ودمك مخالف دمنا واسر ياساري
صياف الحربي =
تجيك الغناه الضافيه لالحست الكوع = لكن انحرف عن ذمنا واسر ياساري.
ترا بيني وبينك طريق الجبل مقطوع = لكن انتقابل في منى واسر ياساري.
مستور العصيمي =
حريبي ضعيف الجنب مالك ظهر وضلوع = ومثلك ترا ماهمنا واسر ياساري.
ابونا ادم الله يرحمه لو يعيش اسبوع = نعازيه في حوى امنا واسر وياساري.
صياف الحربي =
سموعك ثنين وزادها الله ثلاث سبوع = وكل الجميع ابكمنا واسر ياساري.
عطاناك 500 بدل سنك المقلوع = وتبغى تزيد اتخمنا واسر ياساري
مستور العصيمي =
حداناك للطيّب لكنك خبيث اطبوع = وذالحين اشرب سمنا واسر ياساري.
والا يالسحيمي في طريقك لغم مزروع = توانا لعلك بالونا واسر ياساري
صياف الحربي =
انا بجمع الحسبه وعلمك بالمجموع = اظن الزمان ايلمنا واسر ياساري.
منول تدلع يالعصيمي على دلوع = وذالحين دلوعك فنا واسر ياساري
مستور العصيمي =
لك الله لاسوقك لين عينك تهل دموع = ومني دنا موتك دنا واسر ياساري
بعد طاح قبوعك خسارة يابو قبوع = على حلقك السيف انثنى واسر ياساري.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|