[علي بن شبله القحطاني]

أنا لا زان ليلي زانت أفكاري وقافي زان == أزين قاف ويزين الفكر في ليلة ٍ زينه

ألحن وأنتقي لحن ٍ من ألحان ٍ من الألحان == ألحن وأتقن الألحان وأعطي القاف تلحينه

يا وجد العين لا من عاينت عين ٍ من الأعيان == يزيد الشوف في عيني ليا من عاينت عينه

حبيبي قد سكن مسكن وصار القلب له مسكان == سكن قلبي سكون ٍ وأستكن قلبي بتسكينه

وله لون ٍ ملون ويتلون لون من الألوان == وألا يا ما أصعب ألوانه وملوانه وتلوينه

حبيبي هو أماني مأمني والقلب له أمان == حبيبي رد أمانة من عطا قلبه بتأمينه

يا نور النور لو ينبان نورك والقمر لا بان == يا مقوى نورك المنور ونورك صدق يابينه

أنا بعطيك يا حبي يمين ٍ واليمين إيمان == يمين الصدق والمؤمن يصدَق لا عطا يمينه

أنا ما أنسى حبيبي وإن نساني وأكثر النسيان == ألا يا كيف أبنسى من نسى والقوم ناسينه



&&


بن شبله