علي العضياني =
ما شفت فيكم غير ( فالح ) يالغنانيم=اللي نعرفـه و القبايـل يعرفونـه
عنكم ترانا فالمواقف نجليَ الضيـم=نبهج عيونك و العدو نعمي عيونـه
حاكم الغنامي =
انته قبل تقييمنـا تحتـاج تقييـم=لن كان هرج الصدق يالثعلي تبونه
يداك لو طالت ترى ماتلحق الغيـم=واليا وصلكم كيف تقدر تاصلونه؟
علي العضياني =
حنا القضاه و فالقصيد لجان تحكيم=لو حاكم من أحكامنا جنّت جنونـه
يا ما حلا صورتك بشماغ المراسيم=إتقول بيتك للصفـوف و ينقلونـه
حاكم الغنامي =
انتم قضاة وتعرفون السين والجيم=والحق ماظن العوارف يجهلونـه
انا يابن عمي على ملة براهيـم=ماني بمن رزقه يجيله مع لحونه
علي العضياني =
حنا نضد هذيل و المطران و سليـم=و اللي سواتك مرخصين العمر دونه
المرجله يا حاكم حظوظ و مقاسيـم=و النعم مـا كـل الاوادم يكسبونـه
حاكم الغنامي =
حنا نضد ابن رشيد وعزوة مضيم=ماقد غزينا مثلكم دعد وحصونـه
راحت مغاتيرك يابن ثعلي مجاهيم=واليا تغيـر لونهـا لاتصبغونـه
حنا نضد هذيل و المطران و سليـم
و اللي سواتك مرخصين العمر دونه
الله الله
يابو فلالاح
حنا نضد ابن رشيد وعزوة مضيم
ماقد غزينا مثلكم دعد وحصونـه
نعم نعم
يابو عيد
صحت السنتكم يامبدعين
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|