علي العضياني=
فالمنتدى يوم أشوفك يالعصيمـي سعـود=إتقول مستور قدمي داخـل الملعبـه !!!
وجه الشبه بينكم في وصف شايب و عود=في غيرها يالعصيمي وين وجه الشبه ؟؟؟
سعوود العصيمي=
لاشفتني قدم عينـك لاتـزل الحـدود=والكلمة الثانيه مقسم علي واكتبـه!!!
وجه الشبه يم ليبرمان واطلع سنـود=وسعود خله ياعلي ولا تجي منصبه!!!
علي العضياني=
بعد رفعنا العلم من فوق راس العمـود=مسرج حصانه ليا حان الطرَد يركبه !!!
عزّالله إنّك يا بو طايل عريب الجـدود=و المشكله تخسر النوماس ما تكسبـه
سعوود العصيمي=
اليارفعت العلم من فوق روس اليهـود=تلقا علم صاحبك جنب اعلمك ناصبه!!!
ياعلي مبغى فوايد منك ما منـك فـود=لكن رد العلوم اللي سـرت مجنبـه!!!
علي العضياني=
تقدر تجيب الفتيله مـا تجيـب الزنـود=يغلبك جور الزمان الشين ما تغلبـه !!!
تحترّ كبدك و قلبـك فيـه دايـم بـرود=يا خوي مالك ورى العضيان ما تطلبه !!!
سعوود العصيمي=
انا احتسيتك بصاروخ ٍ طرازه سكـود=والجور لاهل المحاني واهل الدبدبه!!!
انتم عرب نعرف ان ابكم شجاعه وجود=لكن قدامنـا حصنـي يـرز اذنبـه!!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|