العــــــازمي
طاح سعر الجوخه اللي كنت اضدّبها القبايل=عقب ماحطّت على الرعيان في واد المحاني!!
مار قولو للوفود اللي يعنّون الاصايل=يلحقون الشرهه الموروث وجزال المعاني!!
الأصعـــــــر
المحاني ديرة الابطال وافين الخصايل=وانت في تال الغنم ,,, والمرجله معزى وضاني
ليت يوم انك تغني بالطروق وبالمثايل=تمتلك سحر العقول وتمتلك سحر البياني
العــــــازمي
تعرف اللي نقصده وايضاً نعم لاهل الفعايل=الرعيه والقرى في ظل ذربين اليماني!!
لبّسوك وزملوك ولا ورى التلعه مخايل=كل مادفّوك عشرك ساعة الماقف ثماني!!
الأصعـــــــر
بارك الله فالجمال اللي يشيلن الحمايل=وانت عيد العازمي لانته بعير و لا حصاني
شوق مدعوج العيون وشوق منسوع الجدايل=ابن الاصعر ,, جاك مني علم يشق الاذاني
العــــــازمي
ادمي واحترت فيك ولا ادري من أي الفصايل=والوكاد اني ليامنّي همزتك ماتداني!!
نعرف البير وغطاها وان بغيت اكبر دلايل=مايجيك خلاف الاضواء هدي من ساحر عماني!!
الأصعـــــــر
الثقه فالنفس دايم ثابته و الشك زايل=و انت يا عيد الضحيه من بعد عيد رمضاني
نحمدالله واضحين وعيد مدري كيف قايل=هاتف محمول لكن ينقصه كرت الضماني
العــــــازمي
الزنود اللي تشب النار في روس الفتايل=ماقبسها الا الرجال اللي لهم قيمه وشاني!!
مايهوز القوم كود الروس قاسين البلايل=اعقل الجرباء قبل ياتيك منا علم ثاني!!
العـازمي × الاصعر صحت السنتكم وبيّض الله وجيهكم
فاتني الطاروق ؛ لكن استمعت بقراءته
غ غ