سلطان الجذع =
يامرحبا والليله المعنى مـن الـوزن الثقيـل=وبداية الطاروق عند سعود مسك ختامهـا!!
ياسعود بعد رويبضه قامت مع الصوت الطويل=لاتاصل أهل طحي خلـك مرتكـي قدامهـا!!
سعود العصيمي =
دام البقاء واقلط على الشبه واخذ فنجال هيل=وبداية الطاروق نبداها بـروس اقلامهـا!!
نبا نكيل الها ونوفي كـل مـد وكـل كيـل=واهل الوفاء وقت اللقاء نيرانها بحزامها!!!
سلطان الجذع =
أنته تراك المشكلة ياللي عبرت بلا سبيل=للي على خط الحجاز معسكرة بخيامهـا!!
العام وش قلت إلك يوم الزند يقدح فالفتيل=لاتترك الجرباء تدرهم فالخلاء بخطامها!!
سعود العصيمي =
ياليت مانته من شبابه يالبخيل ابن البخيل=حديتني واليوم ابا احجم قلتك بحجامها؟؟
انا بذلت الجهد مع شرواك حتى مانميـل=لكن ماطعت وتحمل غلطتك واعلامهـا!!!
سلطان الجذع =
اللي يخضون السقا راحوا يشقون الصميل=وقل الحياء اللي علم العاهر تطش لثامها!!
أكبر ذنوبك في جريح العام والا فالقتيـل=والا قبور الصالحين اللي تشيل عظامها!!
سعود العصيمي =
مانعتبرها من رفاقتـك المجنـن مستحيـل=اخشوم معرومة لكن انا قطوع اعرامهـا!!!
العام يوم إنا قدحنا الزند في خشـم الفتيـل=رحتوا طقق وفزوعكم طقت وخلت زامها!!!
سلطان الجذع =
الجمرة اللي شالها كفك وطاحت فالشليـل=ماخلت أصحابي عن الزلة يطوّل صيامها!!
حاول تراجع سيرة القبطان فبحور الخليل=يوم الهبايب يالعصيمي ماتهب انسامهـا!!
سعود العصيمي =
الجم ياسلطان الاسطوره ماغطاه النثيل=يالنمله اللي شاع طاريها بتال ايامهـا!!
عملتك هذه بايرة دور لها غيري عميل=قدام لاهدم فوقك القبه وهد اصنامها!!!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|