السلام عليكم ورحمة الله وبركاته
بدون مقدمات
خاصه وخاصه جدا ً اقبلوها كما هي .....
صلوا على النبي
بعد غرقتوا فالبحر لا تقيسون=ماعاد ينفع لو تقيسون دايم
أقولها من قلب وابليس ملعون=الرجل عيب إنه يخاوي هلايم
ماهمني كثر الحكي لو يقولون=مادامني عن مايقولون صايم
مبطي وانا من بعض الاشكال مغبون=ولأحدن بلايمني ليا صرت لايم
فاللي بلمات المجالس يبابون=سوالف" مابين بايع وسايم
تعدادهم ياصل ليا حد مليون=إمسحبين بطونهم فالولايم
تليّموا مابين صاحي ومجنون=مالي بهم حاجه ولا لي لزايم
ناس" جعلها الله من دون في دون=البعد عنهم من كبار الغنايم
الله جعلّي عقل واعطاني عيون=ورفع مقامي عن مقام البهايم