سعود العصيمي=
يابن مرضي قوم هات علوم من كل النواحي = في المحيط الاطلسي والا الجبل والا الرعيه!!!
لاتهاب ولاتخاف ولا تكثّر فالصياحي = شب نارك مع رجال ٍ نار بالعز حيه ؟؟
عيد بن مرضي=
غير علم الطيب مع تسمع من رجال الصلاحي=قالها اللي ياصل الطرقه على ظهـر المطيـه
لا توصيني وانا اللي مع جميع الخلق صاحي=ما ثنيت الرجل , لو قالوا على حوض المنيه
سعود العصيمي=
مع طيور الجو ياطير السعد رف الجناحي=لين يذكر لك رصيدٍ فالبنـوك العالميـة!!
واعرف اني معك فالمهجاد والا فالصباحي=لايطوفك واحد ٍ بعدك وياخذ كـل شيـه!!
عيد بن مرضي=
يا سعود الوقت يرمينّا على روس الرماحي=لين صار الراعي المطنوخ من ضمن الرعيه
البلد من عقبكم راحت على وضع انفتاحـي=والقضايا عوّدت ,,, ما بين هاذيـه وذيـه
سعود العصيمي=
الزمن من لايدفه بالعزيمه طاح طاحـي=والرجال الطيبين يناطحون لكل هئيه!!!
مايحكم الغابه الا سيّد الغابـه فلاحـي=والدليل اللي تقوله عن ملفات القضيه!!
عيد بن مرضي=
عدنّي فـ/ اول صفوف القوم لا نادى الفلاحي=الحزام اللي يشـرف ,, سيـف ولا بندقيـه
لو يغيب الطيّب المذكور زادت بـي جراحـي=ولا تتبعت العذارى ,, فـ/ الضحى ولا العشيه
سعود العصيمي=
زال ماشفتك موشح ياولد مرضـي وشاحـي=ما نقول ان الك برج ٍ مثل برج الفيصليـه!!!
الهوى والحب ماهو عيـب يالكبتـن مناحـي=وانت في هاذي غلطت وغلطتك ماهي عليه !!
عيد بن مرضي=
دامنّي للطيّب يمنى , وللقشـر سـمّ ذحاحـي=ماعليها ,, والصعيبـه حكمهـا مابيـن يديـه
يا ولد عاصم ترى الرجال مـا يبـذل كفاحـي=غير في علوم الرجال اهل الشرف واهل الحميه
سعود العصيمي=
دون هاذي واحدآ مايمشـي الا بالسلاحـي=ان بغيتوها غصيب ولن رضيتوها رضيه!!
الهوى في سنة محمد على السنه مباحـي=والعلوم المخطية ماهيب نصيب اهل العبيه!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|