[ابـن نـعـيـس]

السلام عليكم ورحمة الله وبركاته


أقوله وانتخي للحرب هبـي يـا هبـوب النـود
علـى الشـداة ولا بالرخـا مالـي بطاريـهـا



أوقف فوق مكسر ساقي و أرفعـك يـا لعمـود
ليا منـه زمـا العـدوان تبغـي مـن يماريهـا



ولامنـا دحرناهـم ابلبـس عقبـهـا المـاهـود
اخو حرب (ن) تحط أوزارها طوع (ن) و أخليها

أروح مع الفيافي مهنتي سوقـة نجيـب الـذود
وأخلـي للتجـارة بـيـن بايعـهـا وشاريـهـا

أخلي سحبة البشت المقصـب للوجيـه السـود
منافقة الرجـال اللـي سـواد الفعـل كاسيهـا



يعبـدون الوجيـه ويدنعـون بباقـي الموجـود
حصانيـة القلـوب اللـي نمايمـهـا مراقيـهـا



تعزوي بالرخا يـوم السوالـف مالهـن حـدود
ومـع الشـدات ياكـم كلمـة عجـزت تثنيهـا



تقلب في نعيم الذل وتبني فـي ضعيـف زنـود
صحيح الـذل لأهـل الـذل والهيجـا لراعيهـا



تعدانـي وعـدى مثلـي النقصـان والمنـقـود
وراح لخمـة وان كلـبـت بـانـت مواريـهـا



بيذكرني معذربنـي مـع أول طلقـة العبـر ود
يـدور للنجـوم الزهـر مـن ضيـع مساريهـا



صقيل السيف في يمنى الردي يشبه دقيق العـود
ودقيق العود في يمنى الشجاع الـروس فاريهـا

عسى المولى يعز بعزه رجـال الوفـا والجـود
وخـلان الرخـا والمصلحـة يمحـى ذراريهـا


للشاعر داهم العصيمي

التوقيع