السلام عليكم ورحمة الله وبركاته
العذر والسموووحه ان كان طولنا عليكم بس ظروووف العمل
اللي يالله لقيناه
ليت الليالي علـى قسـوة مرارتهـا
بقيت على ظلمها مازادت اجراحـي
يانفسي اللي دفنت اليـوم فرحتهـا
الله يحسن عزاك ويرحـم افراحـي
حاولت فالعين قبـل تهـل عبرتهـا
لكن عصتني وصار الدمع منساحـي
الهم والحـزن والتجريـح قسمتهـا
والقسم الاخر عليها نزع الارواحـي
في عيني الارض تصغر في مساحتها
واظلم عليها الفضا والنور وضاحـي
جار الزمان وكثيـر اهمـوم بكتهـا
والدمع دايم يجي بالسـر فضاحـي
والقصـه اللـي ابدايتهـا نهايتهـا
مكتوبةٍ لي علـى هذيـك الالواحـي
كله سبب جـادلٍ ترسـل بنظرتهـا
سهم المنايا بليا ارمـاح وسلاحـي
في شارع النزهه اللي جنب حارتهـا
وانا بكامل قواي وعقلـي الصاحـي
شاهدتها وتاهـت عيونـي بطلّتهـا
وانا منول عن الخفـرات متنّاحـي
سلمت قلبي لها واعلنـت طاعتهـا
رعشة هدب عينها للقلـب مفتاحـي
لو جت من دون شمس الكون غطتها
شمس الوسيعه يظلّي نورها ماحـي
والعود ريّـان والمبسـم حلاوتهـا
والصدر يوم اقبلت به طلـع تفاحـي
ملاك في زولها حتى فـي مشيتهـا
تعزف على اوتار قلب بحبها طاحـي
كـل المواويـل بـالارداف غنتهـا
واهل الهوى من دلعها دمهم فاحـي
لعـل كـل البنـات اليـوم فدوتهـا
والهم عن دربها مبعـد ومنزاحـي
هي مطمع النفس ورضاها وغايتهـا
وايضا مفاتيح حزنٍ داخلي صاحـي
ياليتني ساكـنٍ فـي وسـط حلتهـا
واملا عيوني بها واعيش مرتاحـي
ملح البـداوه كساهـا ليـن قمتهـا
هذا سبب علتي هو كاسـر جناحـي
مدري من اي القبايل. بس لهجتهـا
دلت على اهل المروة واهل الامداحي
راحت وروحي بعدها جات ساعتهـا
ومن بعدها حالتي في هـم ونياحـي
واليوم انا في رجاء الوالي برجعتهـا
بعد الغياب / وعذاب البعد سفاحـي
الشاعر متعب العتيبي