العازمي
تطرّف يالثبيتي عقب باسبابي طلعلك دور = ولا ابغى منك لاشكراً ولاعفواً ولا حاجه!!
ومرك الله ورحت بعيد تنثر كنزك المصرور = وجازوك المعازيب الحشام بكف منعاجه!!
النشمي
ابن عاصي يقول وفي يديني صنعة الباكور= نبا نعطيه فرصه يستريح وياخذ اعلاجه
الي مقصد وغايه وانت لاتشهد شهادة زور=دخلت القصر وانته ماوصلت القصر ودراجه
العازمي
عرفت ان الشبب عندي وكل اللي مضالك سور = تخيّرت الرجال اللي تتم الوصل بمواجه!!
رجالٍ ماتقدر شايب الثبتان عمي وعور = وانا رجلي على جيراننا ماهيب دواجه!!
النشمي
ياعيد العازمي منته بلا مطلق ولامستور=تركد منت لاقيلك جمل تقلاه فالصاجه
تقوله والثبيتي مايحسب النسر والعصفور= مع الشعار يعرف كيف مدخاله ومخراجه
العازمي
ليا منك لقيته بالعوافي ياحكيم الشور = ومطلق مايجي في ماقفٍ سببّله احراجه!!
نبا رايك بعد قالو توجّه للخلاف ودور = نصيحه منك تنقذ مابقي فالبحر وامواجه!!
النشمي
ياعيد العازمي وسط البحر لا تغرق البابور =ولد عمي وانا ماشي على دربه ومنهاجه
كشفنا السالفه ياعيد وصدور الرجال اقبور= لكن ان كان صدرك ضاق ربك عنده افراجه
العازمي
ياكبر الفرق يالنشمي مابين الداجيه والنور=ماينزل مطلق الجازي بدارٍ يوبص سراجه!!
عتيبه تستمد الشور منك ولا انته اب / معذور=ضحيه مار باقي من بقو بالسالفه ناجه!!