معجب العتيبي
سلام تسليمةٍ معها جناح وتطير=تحيةٍ بالوفا والطيب من قدها
سعود شاعر واعده فالمواقف شوير = لكن يمد الهديه ثم يرتدها
سعود البرقاوي
يامرحبا بالمسلّم فالمحل الكبير = اللي ركونه هواء النسناس ماهدها
الاولة صايره والثانية ماتصير = والثالثة يدك ليش تقوم وتمدها
معجب العتيبي
البخل ماهوب بخل المال بخل الضمير=اصحابنا اصحاب لو مابيّحت سدها
عزالله اني ما اعامل في حياتي فقير=لكن نفسك عن الناموس وش لدها
سعود البرقاوي
يامعجب انته علامك قمت تهدر هدير = ان كان به سالفة في خاطرك عدها
اغواك منكر ودفك للمصيبة نكير = ليتك تدور حصاة وتنسدح سدها
معجب العتيبي
ياسعود جتك الرساله في يدين السفير=السرعه الزايده ياصاحبي هدها
لاتحسبنك بدنيا العرف مالك خشير=يضيع هزل السوالف لابدا جدها