اليا ذبحت اذبح جمل واليا صدمت اصدم طويق
واليا سجدت اسجد وزان اهل الوجيه المفلحه!!
...
العمــــــدة
يا مختبر عرفان مافي حوزتك مجهر دقيق
واظن ما لموظفينك حـق فاللـي تربحـه
مالك ظهر دقنه على تقوى وتلميذه حليق
لكن يالله تحفظـه لاهلـه ويالله تصلحـه
العازمي
اليا غديت من السطر ياصاحبي حرٍ طليق
اكيد ماتمرح مع طيورٍ بشجره ممرحه!!
كيفي من الدله وكيفك يارعد كاسة بريق
واسرح مع الغبشه وغيري مايفارق مطرحه!!
العمــــــدة
ترى الذهب ما ينعرض يا عيد في سوق الدقيق
وانا اعرفك هامور بحر وكـل بحـرً تسبحـه
لكن ما صنت المباني من عنا سيـل العقيـق
لو كنت ما قصرت واستخدمت كـل الاسلحـه
العازمي
عرفك يجاوب يارعد عني بعد قدت الفريق
العازمي ماشد للروقه بنايد مشبحه!!
شفنا سراب ولانعده سيل لو جاله بريق
والخاطر المكسور ماودّي بشئٍ يجرحه!!
ماشاء الله عليكم ياعمالقة ابداع منقطع النظير
صح لسانك ياالعمده وصح لسانك يالعازمي