[الجوراسي]

المشاركة الأصلية كتبت بواسطة علي بن عباد

يعجبني المخ النظيف .


الشهادة من مطلق وليست من حبيب - صحيح
مطلق قال كلامه لحبيب وهم على سيارتهم لحالهم وش جاب الاعلام عندهم في هالك الوقت
وش هدف مطلق يوم يمدح سوار الذهب كل المدح في سيارته يمكن يحسبن الكميرة الخفية حقت قناة الساحة تراقبه وعلشان كذا حب يغيض الشعراء الثانين



سلم لي على راع الموضوع الثاني اللي دخل سوار الذهب غصب وحطه في قائمه غريبة وعمم ان كل شاعر يشهد له شاعر ثاني انه شاعر عادي



اذا كانت الشهادات لشعراء عاديين وش يقول في شهادة شليويح لحبيب يوم يقول اذا رجعت للمحاورة ابا العب مع حبيب , وش يقول في شهادة مصلح بن عياد لحبيب يوم يقول هو خليفة المسعودي , وش يقول في شهادة مستور والزلامي لحبيب , و ش يقول في شهادة الشعراء لمستور انه استاذ وش يقول في شهادة الشعراء لصياف ومطلق الثبيتي يعني هالشعراء صاروا عاديين لأن فيه شعراء غيرهم شهدوا لهم بالشاعريه



وسوار الذهب مشهود له من الكثير والكثير من الشعراء والنقاد ومستغربين هالشهادة اللي هو اكبر منها بكثير وتجاوزها بمراحل وشاعريته ماهي قائمة على اثبات أو انكار هالشهادة التي لاتقدم ولاتوخر في مكانته الشعريه



وصحيح بعض الشهادات مجامله لكن المصيبة هي التعميم واللي يحكم هو الشخص المتابع ويعرف هل فلان صحيح يستحق او مايستحق

ولو اني قد قريت ردك هذا في منتدى اخر ولكن شهادات الشعراء امام الاعلام مشكووك فيها و99% لها اهداف خفيه