اقتباس:
المشاركة الأصلية كتبت بواسطة فهد الزهراني
المحاورة القوية بين كلا من:
الشاعر الكبير عيضة بن طوير المالكي
الشاعر الكبير محمد بن حوقان المالكي
الشاعر الكبير عبدالواحد الزهراني
طبعا بحكم ان الشعراء ثلاثة اخذ محمد بن حوقان دور الرد على الشاعرين عيضة وعبدالواحد هم يبدعون وهو يرد ...
طبعا المحاورة قوية واستمرت على قارعة لفترة طويلة لأن كل شاعر يريد التغيير من عند زميلة لكي لايكون هناك حجة على زميلة واتهام له بانه انهى المحاورة كدلالة على الرغبة في الخروج..
البدع/بن طوير
مرحبا مليون حتى الصفا القاسي يلين
عند من كمّل لزوم القرى وانفق واجاد
مجدنا وامجادنا سابقت عمر الزمان
ماسعينا الا لطلب العلا جاهل وشيبه
مايدرب صفنا الا شجاع(ن) وأجودي
الرد/بن حوقان
كم لي آقابل موامين وألقى سيّلين
وبعض الناس يوم أنشده جاوب وأجاد
الكلام الزين للناس ياعم رزّ أمان
الكريم الآجودي مانطاوع من وشي به
أنا راعي مال وأعرف جمالي وأجودي
البدع/عبدالواحد
يابني مالك حلفنا وغلّظنا اليمين
أنكم من ربعنا وشركانا في البلاد
وبني مالك جمال الثقايل وزهران
عزنا بالله ودون الحمى والدار هيبه
لارحم راس الخطل والمعوّل والردي
الرد/بن حوقان
مرحبا مادام مالليسار الا يمين
الإعاده والخطا للغشامى والبلاد
لو تعاونّا بقي كل نور(ن) يزهران
اللي ماهو والنعم ياحبال ادارهي به
شمّر ايدينك وقل للضوامي ورّدي
البدع/بن طوير
الله يسقي يوم كنا بدو ومزارعين
وانتهى وقت الغنم والزراعه والشداد
عندنا ألبان المراعي وبر(ن) من عمان
وأصبح الحب الذي نزرعه ماينذري به
وأصبح التقويم يلغي حساب المجردي
الرد/بن حوقان
وضح لي من غير تلميح والا امزار عين
عند رب العرش نصر الضعوف من الشداد
دندن الراعد على كل وادي منعمان
أعذر من انذر بعض الخبر ماينذري به
وش نصيب الروس من كل سيف(ن) مجردي
البدع/عبدالواحد
يازميلي ريشة البندقه بين إصبعين
روّح الرمّاي وآنا يدي فوق الزناد
ياعيضة ياراعي البندقه والجنبخان
ثوّر البندق تجي مخطيه والا مصيبه
وان قطعت الشعره نصّين فانت بواردي
الرد/بن حوقان
واجهونا وجه(ن) لوجه عين(ن) نصب عين
وشدا الشامي يراقب لقوة والزناد
صرخ الصارخ وقالوا رفيق الجنب خان
ان هرجنا مشكله وان تغاضينا مصيبه
أنا لا بآرد عليهم ولا انت بواردي
البدع/بن طوير
مرحبا والجود فرض(ن) علينا من سنين
مثلما ربي علينا حتم فرض الجهاد
ان شرينا الجلب ماقد ذبحنا الا سمان
وان تهرّب خصمنا لازم إيدينا تجيبه
لو عمر له بيت بين الثريا والجدي
الرد/بن حوقان
أنا ليش اتقلد السيف والرمح السنين
مادام انا باذلين الآراده والجهاد
الرضا طاعه لربي وبعد الياس أمان
من يقدم لك عزيمه وجوب انك تجيبه
لاتشرّط لو ذبح لك جمل والا جدي
البدع/عبدالواحد
البقا والله يبيض وجوه المستحين
والرشيد الله يعينه على حب الرشاد
مانشدنا عندما فاتكم عيد رمضان
غير حجيتم مع الحج من مده قريبه
وش بلاكم يوم ماحرمتم الا من كدي
الرد/بن حوقان
قبلما تقطع عذوق التمور المستحين
والله ان آقدر الضيف وآحب الرشاد
من يمر الخبت يلقى سموم(ن) ورمضان
ياطويل العمر خط العمي ماينقري به
والنكد يرتاح في كل قلب(ن) منكدي
البدع/بن طوير
ماخسرنا كلها عندنا دنيا ودين
لكن قلوب العرب بين قرب(ن) وابتعاد
أعرف الحج والمواقيت وايام الثمان
والهوا لو هب مايطرح الروس الصليبه
المصايب والعمى في عيون المعتدي
الرد/بن حوقان
اسمع اصوات الخلايق لها دنياودين
يقلون ان التواريخ تذهب وابتعاد
ليت راعي الليث يلقى في ارض الليث أمان
مثلما وصيت لك بالمنيمس وصّ لي به
أبغي آواجه عتاد الحريب المعتدي
البدع/عبدالواحد
عام الاول قلت بارتاح مثل الرايحين
خذت لي نيسان من ذا المظلات الجداد
لكن أوصوني ببنزين منزوع الدخان
والمحطه واجهتني بتركيبه غريبه
مدري البنزين ممتاز والا عايدي
الرد/بن حوقان
صاروا الغادين مايعرفون الرايحين
ضاعوا الآحفاد مابين الآبا والجداد
لا بدى كلا يقل لك رفيق الود خان
رد عينك للنجوم المشارق والغريبه
وانت رايح يابن سحبان والا عايدي
البدع/بن طوير
المذاهب الاربعه في بلاد المسلمين
احمد الله واشكره كلها الدنيا ركاد
وليالي عيد رمضان تعرف من عشان
الهجرة قامت على ساق من مكه لطيبه
واصبح آبو جهل ينطق بحرف الآبجدي
الرد/بن حوقان
ياعيضة لا صاروا أهل الحرايب مسلمين
ثبت الخطوه ولا تمشي الا بالركاد
آخر العج المطر واول البارق عشان
الجمر مايحرق الا فواد اللي وطي به
والخبر في راس راعي الكلام الابجدي
البدع/عبدالواحد
صحصح آنا وين ياولد عمي وانت وين
صدر الرعيان وانتم تعدون الجراد
البحور الواسعه مالنا فيها مكان
لو سكبنا نص فنجال في بحر الشعيبه
مابي الا يغرقون آهل مينا الاحمدي
الرد/بن حوقان
أحسنوا نياتكم يالغزاه المنتوين
قبلكم زرق المثاقيف وسيوف(ن) جراد
أصحاب التاريخ وأهل الاراده والمكان
تالي الآيام كلا يسنّد من شعيبه
لايمل الحمد راعي اللسان الاحمدي
البدع/بن طوير
أنت في ماقف بني مالك الدرع المتين
وانت زهراني وبيني وبينك ما وزاد
لو تفرقنا أصبحت فتنة(ن) بين البدان
وانت تعرف نجد ماقد حماه الا عتيبه
قبلما تُبنى بجده بيوت الزايدي
الرد/بن حوقان
ضيف مايهرج وضيف(ن) يعلّم علمتين
لاتقول الا أنعم الله على الجيد وزاد
ليتني أدري وش نصيب الضعوف من البدان
لايهمك لاهروج الصحيب ولا عتيبه
الرجال تحصل الزود عند الزايدي
البدع/عبدالواحد
ياعيضة مادون مسك الحلوق الا اليدين
المدى شتان بين الزراعه والحصاد
كلا يتمدح وكلا يقول اني فلان
بادر الغاوي بكيه رضى والا غليبه
يمكن اللي يكتوي فوق كفه يهتدي
الرد/بن حوقان
أنا راعي مال وعلي دين(ن) ولي دين
والرياح تهب ويجيك للحب الحصاد
يعمر الوادي غروس الحبق والنيفلان
لكن الحساد مدري زعل والا غلي به
وانا ماجبت الهديه بكيف المهتدي
البدع/بن طوير
كانت الآخبار تنشر علينا مرتين
واما هذا الحين مليت من كثر القعاد
عازم آهاجم على الرازقي والبرتكان
ماحداني لين خشيت في قاع الزريبه
الا من زوغات الأبصار والصوت الشدي
الرد/بن حوقان
مدري آقدم لك أعناب والا مُرتين
ماوقف قدامنا لاجمال ولاقعاد
ابتلشت بترجمات العجم والبرتكان
كنت أشوف حصون بخيان من دار الزريبه
وانت تدري عن مطالع شدانا ياشدي
البدع/عبدالواحد
عام الاول مات جدك وقلت الله يعين
وقعدت ثلاثه شهور في ثوب الحداد
خل من مات الله يسكنه خضر الجنان
لكن الدنيا تفرق حبيب(ن) من حبيبه
هذي عاداتك تفصل وغيرك يرتدي
الرد/بن حوقان
كم لقينا واحدا لايعان ولايعين
ماقداه الا السيوف البريعه والحداد
لاتلومون ابن حوقان إلى جاه الجنان
اللي يمرح صبرة الدخن ياكل من حبيبه
غير لايقرب سنام النطيح المرتدي
البدع/بن طوير
لاتحدثني عن الفتنه اللي في حنين
باقي اعلم لك عن أهل الحِجر واصحاب عاد
تحسب المشعاب الأعوج مثيل الخيزران
اللي مايوقف مع صاحبه وش ينبغي به
ياخيول المعركه حدّري والا اسندي
الرد/بن حوقان
الله يكافيك ياراعي القلب الحنين
القوارع شيّبت يارجال وكان عاد
كم لي ألقى من وجيه العرب ياخي زران
أدري أن اشيا بدت قبلنا واشي(ن) بغيبه
أنا مدري طحت والا خدعني مسندي
البدع/عبدالواحد
كانوا الكفار في بيت لحم وفي جنين
وقرايا هود الأول وارم ذت العماد
ودي آعلمك عشرين جزو من القران
المحاكم يابن منصور عملتها تعيبه
وانا مانشبني مع القاضي الا شاهدي
الرد/بن حوقان
يابو متعب تدرج الروح في قلب الجنين
وانا والله مابنيت القصور بلا عماد
الكواكب سايره والزواهر في قران
الذي يعرف علوم النشامى ماتعيبه
غمضي ياعين الانسان والا شاهدي
البدع/بن طوير
حرضونا أولادنا نذبح الكبش السمين
ماشوينا الا لسانه وقلبه والفواد
وانت طول الوقت تشرح وتمرح في ضمان
وأنا عالجت العيون الذي فيها لهيبه
عند بن عباس ذاك الطبيب الغامدي
الرد/بن حوقان
والله اني ماقطعت النفل والياسمين
يقلون الشعار لازم يمرون الف واد
ياطويل العمر صار الحمى والفيض أمان
الكرم في قلب الانسان واللاهي لهي به
درقك مخباك ياكل سيف(ن) غامدي
البدع/عبدالواحد
ياحليلك تحسب ان الحجاره بات لين
وانت طول الوقت ماتنفخ الا في رماد
ان بغيت الحرب خذ لك جمل والا حصان
ماشريت بحرّ مالك رصاص(ن) تحتصي به
والذي في مجندك خذتها من مجندي
الرد/بن حوقان
انت باتل صبح بكره وحنا باتلين
لا انقصر كفك ولا جا على عينك رماد
أنا ما آدور على حماية(ن) والا حصان
عندنا حبل(ن) تمده وحبل(ن) تحتصي به
ماصبر الضابط على المستجدّ المجندي
البدع/بن طوير
أنت قصدك ترمي الجمر من راس القرين
هذا ماهو حق تقطع قوانين العباد
يوم تنكر صحبتي كل شي(ن) له بيان
أنت وش كلفك تركز على قبري نصيبه
يارحاة الحرب دوري ويانار أبردي
الرد/بن حوقان
....
...
...
الذي نرميه ياصابنا والا نصيبه
لو ذبح جدي وابي ماتعزويت بردي |
صبحك الله بالخير يالزهراني , هل تريد المجاملة أو الكلام الصحيح الذي لايغشك فيه اخوك ؟!!
انتظر جوابك .
وقبل الجواب انظر للمحاورة في الاقتباس اعلاه وتفقدها , هذا أذا اعتبرت انت أنها قوية ونموذج قوي عن شعر العرضة .