[عـاشـق الحقـيـقـة]

بسم الله الرحمن الرحيم


( يا زين برّي )

يا زين برّي عقب ما السيل جَهّى = بعد الحيا يا حلو شوفه وشمّهْ
عشقي مزون الغيث بالسيل رهّا = أفرحْ بشوفه فرحة الطفل بامّه
راع المطر لا شاف سيل(ن) تلَهّى = يدله عن الدنيا وشغله وهمّه
معذور لوينسى ويسلى ويسْهَى = من شاف محبوبه لزوم(ن) يضمّه
فالغيث منه الخلق تروى وتزْهَى = رحمة إله(ن) كل خلقه تِعمّه
والحمد لله أكرم العبد وأرْهَى = الحال من فضله مليّ(ن) مجمّه
وصلاة ربّي لازهر العشب وابْهَى = على النبي خير البرايا ولامّه
*** = ***

*عاشق الحقيقة*
7/5/1431هـ

التوقيع

الآراء كثيرة مُتباينة .. وتبقى الحقيقة واحدة .. تراها العين التى ترَى بالعقل من منظار النقل و الهُدى ، لا العين التي ترَى من منظار الفِسق والهَوى !؟ . . * تسعدني زيارتك ؛ فأهلاً وسهلاً بك : http://aashiqalhaqiqah1.maktoobblog.com/

آخر تعديل عـاشـق الحقـيـقـة يوم 21-Apr-2010 في 04:44 PM.