يالله ياعالم خفيات الاسرار=تفرج لمن ضاقت عليه الوسيعه
تغفر لمن كنه على واهج النار= همن بثر همن وهمن تبيعه
ياكاشف الغمه وياوال الاقدار=يامن تعودله نفوس(ن)وديعه
اعلوم في قلبي وهم وتعبار=ودموع من عيني تهامل سريعه
لاشفت حال اعيالنا صغار الاعمار=اللي نربيهم من اجل الشريعه
هذا يقص شعور ويقلم واضفار=وهذا يفصله ثياباً خليعه
وهذا يقلد لعبت عيال كفار=ويسوي فعول(ن) علينا بديعه
ياربعنا يلي على قب الامهار=يحفاد ابو بكر وعمر في الطليعه
شنو عليهم غارتن وقت الاسفار=يوم العرب وسط المساجد مطيعه
تلقون شهبان الوجيه اهل العار=اللي غممها تشبه ارض الطبيعه
لاقلت صلو قالو ابشر وحضار=حتى تروح ويلحقونك بشيعه
سب ولعن والله ولافيهم احرار=من تربيتهم ماطلعوا راس ريعه
واختامها يالله في وقت الاسحار=تغفر ذنوبي ياكريمن نطيعه
وصلاة ربي عد ماتنبت اشجار=على النبي الهاشمي والتبيعه
الشاعر: معيوف بن راجح البقمي