العمــــــدة
الطــــارف يدف روحه بين ترحيبه وتسليم=الليل تـــــوه ولــــــو راح اوله والسر خافي
ساعة تبين الحقيقــــــة ويتجلى العج والغــيم=تقدر تصرح جميع الصحف بان الجو صافي
سلطان الجـذع
مدري معازيب في بيت الكرم والا معازيم = حدد وجوبك ترى واحد من الاثنين كافي!!
ساعة نبا نفتتح فيها سجل السين والجيم = من يوم جادت بك أقدار الليال وجيت لافي!!
العمــــــدة
الطيب اللي يدوس الراي ويسد المـــــلازيم=ماهوب لا كبرت الحملة بدى فيه اختلافي
ان كان قلبك عن احداث الزمن يا صاحبي نيم=تبا تعداك شرهاتي لجل مرقدك دافي
سلطان الجـذع
انته من أول مغاتيرك يغطّن المجاهيم = واليوم لاوالله سمانك مع الروقة عجافي!!
ياسيل واد الرمة بعد المسيل يعقبك الديم = والقافية جرة سنافي على جرة سنافي!!
العمــــــدة
شهــادةً من حشيــم ولا تغيرً فالمفاهيم=ابا اعتذر من رجال العرف وارميها خلافي
الجم الازرق غزير ولا بلش في كثرة الحيم=عنوان صفحة كتاب موثقة فوق الغلافي
سلطان الجـذع
المرجلة ياوسيع المعرفة حظ ومقاسيم = أهم شئ إنك مع الوقت طيّب ومتعافي!!
في حال سطوة سبع والا بحال أجفل الريم = لاترتعد يدك وقع في سجل الاعترافي!!
العمــــــدة
راجع ملف القضية واقر في كل التعــــاميم=العلم صدره وورده عند سجاج الفيافي
في سد قضبان بقعاء كم يعيشون المظاليم=دعوى على شارب الرجال تجمد وانت وافي
سلطان الجـذع
العالم اللي يعلم قوم مايحتاج تعليم = والثابت إن العلوم مصلحة و الستر ضافي!!
أن كان سد العلوم علوم لاتشكي من الضيم = وانت تعرف ساحة الميدان ألي والقاف قافي!!
العمــــــدة
بعض اللقم يا سلايل روق تنشب فالبلاعيم=ماهي على خبر من داره مطاولها الجفافي
انا محامي موكل في قضية عن شغاميم=وخذوا ضحى في نهارن كان فيه الحق غافي
سلطان الجـذع
المعركة طول بال وصبر وسيوفٍ صواريم = والنفط مايصفي الا بعد تكرير المصافي!!
أظن ياصاحبي من دون وجه العلم تعتيم = الا انك اللي رثع فالنار تال الليل حافي!!