اخوي الصنهات اسعد الله اوقاتك استأذنك في كتابة القصيدة واضافة بعض التعديل
الليله أمسى خاطري مستهيضي = وأمسيت يردنه مهاجيج الارواع
سواة ورد اللي قبل ما تغيضي =لوكان تاردها شرا شيح الاقطاع
يا الله من نوٍ وبخت حظيظي =لـعاد لا موده ولاني بـــزراع
ولا الغنم معاد فيها بظيظي = معـاد فيها لا قنيا ولا بــــــاع
جتها لياليها وقامت تغيضي = بغض الدهور اللي بها حتن الاقطاع
وحنا نداريها سوات المريضي =اللــي وليـة من ترديه مرتــاع
راع الغنم يمسي سواة البغيضي = ويصبح بغيضة صاخف العقل جزاع
يبا مواحين الحيا ما تريضي =والوقت ركب والدبش بالدهر ضاع
يا الله من نو(ن) يجيله نفيضي =نو(ن) صدوق وبأرق المزن في ساع
نو(ن) يرفاله وقبلة مبيضي =وأرقاب مزنه مسحقات اليا ماع
هبوبه اللي تردعه لايغيضي =يكسر يمن وأول طخافه يجي ارياع
أربع معاني من شبقها غميضي =وثلاث للعراف فيهـن الاســناع
الطير والحرمة وزرع المقيضي =وصفر العيون اللي بها ما بذر ضاع
والبل مع الوبال مال(ن) غليظي = وهضع الجريد اللي على البير شراع
والطيب في الطيب حزام حفيظي = وبواقي الدنيا على أشكال وأنواع
صنهات الدلبحي