[طلال ناشي]

بعد التحيه

الحق ظاع وظيعوه السفاهين = وراحت نوايا الحق في ظهر قلاب
واللي يسوقه ماقضى فوقه الدين = على دركسونه لاودى ولا جاب
وليا نشدته قال لك وظعنا زين = والوضع ماهوب زين والوقت غلاب
تقاطعوه أهل الخطى والغى الشين = في معتقل سدد وقارب والأسباب
وجهة نظر تحمل هدف بين قوسين = ومرزوق ابن حمدان واقف على الباب
يصد عني بعين ويلدلي بعين = ويقول عبلة نجد مليانةٍ داب
وأنا من اللي لاغدى الليل ليلين = وكبرة وفيها مايفيدن الأطباب
وصاح الرفيق اللي خذوه الشهارين = والحرب ماله فالقى غير حراب
ألاد عالي ملحقين المخلين = في شعبنا اللي قيظوا فيه الأجناب
جينا من الحره نسوق البعارين = مافوقهن ألا مجاريد الأرقاب
اللي مظاربهن تفج الشراين = بيمننا من وقعت فيه ماطاب
وأنته يابو حمدان والله ونعمين = يامرهي الدله على كل شراب
أمانتي عندك يامرزوق بيتين = لاتلحقك شرهه ولا فيهن أعتاب
سلم على ابن حميد هو والرباعين = وصل سلامي معك عكفان الأشناب
أشيوخنا اللي يوم فعل الأكاوين = يوم القبايل بين هايب وهياب
ويوم العلوم ألها مقر وعناوين = وسيفٍ يذل الخصم ويعز الأصحاب
ثم قل أبو ناشي بلش بالفريقين = غنى وظاقوا منه معجب وعجاب
وأنا ليا مني مدحت السلاطين = يزيد شعري قدر وجلال وعجاب
عقبان نجد مرجحين الموازين = اللي يحسب المجد لسماهم أحساب
أما تصافينا على العسر واللين = ولا تواعدنا على راس مرقاب
حتى نعرف اللي عن الحق غادين = ونملا فمي أهل الخطى منهم أتراب
في منتدى الهيلا صعوط المجانين = ماظاع حق ومن ورى الحق طلاب

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

آخر تعديل طلال ناشي يوم 12-Apr-2010 في 10:09 PM.