[سعود البرقاوي]

السلام عليكم ورحمة

هذه احدى اشهر المحاورات التي جمعت الشاعرين مطلق الثبيتي والمعنى البقمي عليهم رحمة الله وعذراً اذا كانت مكررة مع ان مثل هالمحاورات لايُملّ منها

مطلق الثبيتي
ياسلام الله سلامٍ وتقفاه السلامه = عد نوٍ لاح برقه ورعاده يدنّا
باقيٍ قرنين وشوي وتقوم القيامه = ثم تنشد عن جميع الخطايا يالمعنا

المعنى البقمي
مرحبا واهلين واكتب على الصفحة علامه = منتهي موضوع ذا السالفة منكم ومنا
الثبيتي فالبلد مابعد ركّز خيامه = ينشدون العام مدري يسآل اليوم عنا

مطلق الثبيتي
يابعيرٍ دوب ماحط راسه فالفدامه = احمد الله ياجمل ربعنا منته جملنا
ياتهامي لو تريحت عنا في تهامه = كان مادرنا رحانا علاك ولاطحنّا

المعنى البقمي
رفرفي لي بالجناحين بالله ياحمامه = آه ليت الشام يقرب وينشد عن يمنّا
منهو اللي لامشى مايقلنّه عظامه = ان رفعتوها رفعنا ولن طمّن طمنا

مطلق الثبيتي
المعنى جاي فازع ويكرب في حزامه = مير عنا نص كيلو نشوفه ماوصلنا
ودنا عنقك طويله مثل عنق النعامه = يرتفع راسك شويه وتبلغ ماتمنا

المعنى البقمي
الثبيتي لاذكرني تفرقع من منامه = في يمينه خيزرانه ووسط الكف حنا
ياحلو مشروب ماكم ويامحلا طعامه = ليه ماضيفتنا يوم في دارك نزلنا

مطلق الثبيتي
الهنوف اللي لها في صخيف الخد شامه = كلما ماحنّت وغنّت حمام الورق غنا
يالبعير اللي تحرك شداده عن سنامه = لو نُحر لي مابقطّع سنامه في صحنا

المعنى البقمي
خلها تضحك وتبكي وتطلع من ظلامه = في وطنكم يالثبيتي ترى ماهيب منا
لبسوها المرتهش يالثبيتي مع زمامه = ان طبختوها طبخ وان طعنتوها طعنا

مطلق الثبيتي
يخشع الهندي ويرمي على الكعبه حرامه = والهنود الحمر ترطن وحنا مازعلنا
خايف الحامل تضيق وتجيب النا توامه = ثم اشوف عيالها فازعه منا ومنا
المعنى البقمي
خايف الدكتور يرتاع وتطير العمامه = طالع له فالجما ياعرب تسعين سنا
ماعرف وش كان خلف ولاوش كان امامه = ودي افصّل بدنكم قبل تفصل بدنا

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com