[مرزوق بن دحيم]

يا الله بنورٍ للحقايق يقدّي

يا الله بنورٍ للحقايق يقدّي=يكشف لي أصحاب الحسد .. والموده
أحدٍ ضميره جوف صدره مصدّي=وأحدٍ يشع النور من نور خده
يبقى التردي عند قوم التردي=وما ضايقت جده .. صدر بحر جده
أبا أرتفع ماهو بعندي وقدّي=لو هو يعد العلم .. محدٍ يعده
طيبي وطيب أبوي من طيب جدي=ولاّ الردي وش جاب من عند جده
إفعولـنـا طول الـدهـر مــا تـنـدّي=لنا ورى المدات مده ومده
الله وهبنا الطيب من كل حدي=روس الكراشين ووفاها تعده
روسٍ مع الأمجاد دايم تعدّي=وعلى المكارم بالكرم مستعده
تاريخهم لامن رسى ما يشدي=محفوظ عند الروس قوم الأشده
لمزيبد وسحلي نسبها يودي= ولا يلحق الشيخان فالوقت ضده
وبيتٍ به حبال المراجل تشدي=لأجيالنا ما أظن واحد يهده
ومنهو مشى فالناس بالكذب ضدي=خله وصكات الليالي تكده
إن جيت أعد المدح صيتي يسدي=على النقاء والرجل صيته يسده
وفعلي يبيض عند شرواي خدي=ومالي على العربان فالوقت حده
أنا كسبت الطيب من طيب جدي=حرٍ ولي من فوق الأمجاد هده

مرزوق بن دحيم

التوقيع

الحر عينه يم روس الطويلات=ماهيب عينـه مثل عين الجراده يقديّ أكبر منـه راي وقنـاعات=الشـور شوره والمراجل شداده

آخر تعديل مرزوق بن دحيم يوم 10-Apr-2010 في 12:56 PM.