نايف مستور الظويفري
سلام الله سلام(ن) يدمج الراضي مع الزعلان =سلام اموجه توجيه والعمله سعوديه
ألا ياصحابنا العتبان جاكم شاعر المطران =يبا شاعر هنا يتنيه والعمله سعوديه
معجب العتيبي
هلا يامرحبا ترحيبتن فيها ثلاث الوان=لابن مستور مايرضيه والعمله سعوديه
ليا جيناك يانايف ولد مستور فالميدان=ياطول الليل لو تسريه والعمله سعوديه
نايف مستور الظويفري
يدوم لك البقا ثم الرضى ياشاعر العتبان = وألا يابيت من يبنيه والعمله سعوديه
ليا من جيت يامعجب نبا نرسملك البرهان =على الراحه نبا نزويه والعمله سعوديه
معجب العتيبي
بيوت العز مبناها ومغناها على السيسان=فعل يمنى ولانشريه والعمله سعوديه
ليا جيناك والفعل المسمى يالمطيري بان=مع العراف لاتطريه والعمله سعوديه
نايف مستور الظويفري
بيوت العز معروفه ومشهوده بلا جحدان =وبعض القول لاترميه والعمله سعوديه
تناظر يالعتيبي وانت لا سالم ولا ربحان =وقول الحق لا تخفيه والعمله سعوديه
معجب العتيبي
انا ماقلت غير الصدق وشبك ياولد زعلان=وغيره لاتفكر فيه والعمله سعوديه
تقوله عقب ماشفت الخساره شوفة الاعيان=بدايات السهر والتيه والعمله سعوديه
نايف مستور الظويفري
ترا بيت الشعر مبني على الاطناب والعمدان =وعن قو الهواء نذريه والعمله سعوديه
ترا راع المطيه صوت ولا حصل اهل الشان =يحسب انك تبا تنجيه والعمله سعوديه
معجب العتيبي
اقول قصور ويقول الشعر والفرق فالبيبان=ويطلب خالقه يحميه والعمله سعوديه
خوي الدرب في نص الطريق يقول انا تعبان=يقوله والعرب توحيه والعمله سعوديه