[ابن حبان]

اخواني انقل لكم هذه المحاوره اللذي اعجبتني كثيرا واود ان اقرأتعليقاتكم النقديه وخصوصا العضو ابوفايح وشمروخ بن عايد ولايهونون الجميع


عبد الحميد الفهمي


هلا يا مرحبا في محفلا زيـن =رياجيـل الكمـال مكمليـنـه
وعايد كمل الأقصى والأدنين =يحوز الطيب من ماضي سنينه

محمد السناني :

بقيتوا يـا رياجيـل القوانيـن =وراعي الطيبه تسلـم يمينـه
هذا الفهمي من أيات الفريقين=من أهل الظلع وإلا في المدينه

عبدالحميد الفهمي

تَهَرج بعد مـا جيـت المياديـن=يازين الهرج في وقتـه وحينـه
هذا الفهمي سعودي من هل الدين=ويهرج يـوم ماتهـرج جهينـه

محمد السناني :

ليا منـك تقدمـت المصليـن=تحـلا بالهـدوء وبالسكينـه
سمعنا هرجتك من عام الألفين=وفرقنا الفصاحـه والرطينـه

عبدالحميد الفهمي :

هذا حكم الرضا والناس راضين=وابن متروك واش بيني وبينـه
ليـا زينتهـا سقـت المزاييـن=ولـن شينتهـا ذقـت الغبينـه

محمد السناني :

ترفق ليلة الجمعه والاثنين=عقول مفتحه وايدين أمينـه
تراكم كلكم بالحيل غاليـن=وراسي مايغشه شوف عينه

عبدالحميد الفهمي :

شريت ألين جمعـت الملاييـن=ولاتدري بـراس المـال وينـه
لكنك يا ابيض الوجه احمر العين=تشيل الحقـد وتشيـل الضغينـه

محمد السناني :

أنا مافضل الدنيا على الدين=وأزكي والحرام محرمينـه
ليا كانك من اللي مستحقيـن=نصيب الرجل ماحاشت يدينه

عبدالحميد الفهمي :

كسبناها غصب وان جيـت بعديـن=نبـا ندحمـك بجـنـوبٍ متيـنـه
اذا اعطيت اعطي ذا قربى ومسكين=أنا في خيـر لـو فكرتـك زينـه

محمد السناني :

شعار المملكه نخله وسيفيـن=وما يوجـد لديكـم خابرينـه
ثلاث اصناف وانتم بين صنفين=وزمزم من ضماكم شاربينـه

عبدالحميد الفهمي :

ترى اصل الادمي من ماء ومن طين=يفاخـر بيـش واصولـه مهيـنـه
وراكم يا قضاعـه هرجكـم شيـن=واذن من طين واذنـاً مـن عجينـه

وسلامتكم