سعود العصيمي=
الليل يالصاطي اقرب هات الاعلام=ياموجه القوم ومخلي العشيـرة؟
فالسوق بعض البضايع مالها اقيام=والصاطي امحمّلٍ منهـا بعيـره!!
الصاطي=
فرصه نسولف ولو بحروف وارقام=لو ان بيني وبين سعـود ديـره!!
ماني براع الثياب قصـار لاكمـام=قصيـر الكـم لليمنـى القصيـره
سعود العصيمي=
سولف وموضوعنا والعلم قدام=لعل في الامر لاهل الخير خيره.
اقصار الاكمام تدعمها وتنسـام=ماشفت ابو محزمٍ كله ذخيره!!!
الصاطي=
الصوره اليوم مثل الصوره العام=ما غير الوقت لو حبة شعيـره
يا صاحبي ياصديقي كفل لايتام=تراه ما هـوب لرجـال عيـره
سعود العصيمي=
اليوم والعام نرفع روس الاعلام=لو حدنا الوقت مابحنا السريره.
ان كان قصدك هذا مااقول تنلام=المشكله كان الك مقصود غيره.
الصاطي=
تخيلـو للغنـاه ولـو بـالاحـلام= يا بعدها عن هل لارض الفقيـره
يا هل اليمن لا وصلكم محمل الشام=لا تنطحونـه بعميـان البصيـره
سعود العصيمي=
الحـق ماينكـره ياكـود ظــلام=لكن هذه مـن الصاطـي كبيـره.
حظك لياقام لك جاب الك الانعـام=وان طاح حظك يحطك في حظيره!!
الصاطي=
الله يعز البلاد بديـن لاسـلام=والمنهج المعتبر مافيه غيره!!
مريتكم وسمحولي يابني يـام=انا عتيبي وربعي في عشيره!!
سعود العصيمي=
ابعد عن اللي زرع لك خط الالغام=لاتجبره دام جنحانه كسيـرة ؟؟
راع القلم ماجهل باصحاب الاقلام=لو يخلف الاسم ويغيّر مصيـره؟
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|