علي العضياني
الراس ميدان الظفر و الصدر ميدان القصيد=فيه البيوت اللي تنومسنـي ليـا غنيتهـا
من باب صقل الموهبه ياللي تحاول تستفيد=تعال يا ناصر و نـار المعرفـه شبّيتهـا
ناصر المرشدي
والعقل يفتح باب يعجز عنه مفتاح الحديـد=والعرف ميزه فـي بيوتـي كـل ماعديتهـا
من باب صقل الموهبه جيتك عندي من بعديد=لاتحسبنـي كــل ماشبيتـهـا طفيتـهـا
علي العضياني
العرف و الادراك و التفكير و الراي السديـد=عند الرجال اللي يابو تركي تعـلاّ صيتهـا
الراجحي ينفق و لا ينقص من حسابه رصيد=و انته ليا مدّيت لـي يمنـاك مـا ردّيتهـا
ناصر المرشدي
قيد الحياة يحط في رجلين يعض الناس قيد=ياللي معي رجلك عل درب الوفاء سجيتها
كل البنوك اموالها ياعلي ماتنقـص تزيـد=ويميني ان مديت لي يمناك00 الك مديتها
علي العضياني
إن كان قيّدك الزمان الشين بالقيد الجويـد=تجيك بقعا لوّ يا ناصر ما قمت و جيتهـا
بغداد نهضتها ما غير بعصر هارون الرشيد=هذي حقيقه بالفعـول الواضحـه تثبيتهـا
ناصر المرشدي
في تالي الايام زادت زحمتك ياسوق (ميد)=وبضايعك لاهل التكاسي كيتها من كيتهـا
هارون حصل بارد الفيه تحت خضر الجريد=وبغداد تنسى حيها من يوم تذكـر ميتهـا
علي العضياني
في كل لحظه تستمع برنامج اليـوم السعيـد=يا قلب ناصر تسمع الكلمه و لا ضمّيتها !!!
تذكر سفر و حبيب و ملفي و مستور و رشيد=و انا ما ألومك يوم نفسك قبلهـم بدّيتهـا !!
ناصر المرشدي
من الرسايل ويش في مخباك ياساع البريد؟؟؟=رسالةِ جيري وتوم ابرز مافي منشيتهـا!!!!
(تريد مير الله يابـو فـلاح يفعـل مايريـد)=عليت نفسـي فالمكـان المرتفـع عليتهـا
علي العضياني
شريط الأحسائي ليـا غلّـق تفلّـه مـن جديـد=و تقول انا بعض الاغاني يا علي ما أوحيتها !!!
كم واحدٍ ودّه و لا يقـدر و لـو باسـه شديـد=بسّ اللبيـب يوقّـت الساعـه علـى توقيتهـا
صحت السنتكم وبيض الله وجهيكم
