سعود العصيمي=
يالعضياني ترا ماخـذت لـك طيـبٍ لحالـك=لاتقول انك كبير القوم وانتـه دون منـي.!!!
هات اجابه في سؤالي واخذ اجابه في سؤالـك=وان غلطت وزلت اقدامك معي مانت امتهني!!؟
علي العضياني=
العضياني مقامه معتلـي لـو ضـاق بالـك=لا يغرّك يوم راسك شاب ما هو كبر سنّي !!!
يا بو طايل يا عسى ربّـي يخلّيـك لعيالـك=يوم أشوفك مثل يوم إنك تروح بعيـد عنّـي
سعود العصيمي=
كان حظك معتلي يمكن تعلا فـي حلالـك=مار جاك السيل والرعاد من فوقك يدني!!!
لو تقول ايطيب فالي قلت لك ماطاب فالك=كان في راسك جنون انا الكعام لكل جني!!
علي العضياني=
الخيال اللي تخيله جاك سيله ثمّ شالـك=العرب ما تعرف المرضان لين إنّه يونّي
لا تشقّ ثيابك و ترمي بغترتك و عقالك=الحقيقه كنت أظنّ بخير فيك و خاب ظنّي
سعود العصيمي=
وش تبا بالمسلم اللي مايبي صفقت دلالك = عقب ماقهواك مماطاب من هيلٍ وبني!!
يالمطوع لاتذكرني بشي قد مضالك = ميز الدعوى بفكرك لامتحنك وتمتحني؟
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|