بين الرسايل والحروف القديمه=وبين القصيد اللي حياتي نظمها
شفت المعاني والبيوت العظيمه=ولقيت حرف(ن) فيه نفحت نسمها
وأشتقتله وأشتقت ريحة نسيمه=ورفرف على قلبي تمنّي علمها
وأنساق للخفاق صوت الحشيمه=وقام ايتذكرها ويسمع نغمها
خل(ن) لقلبي عام الأول نديمه=وروحي بختم الحب الأول ختمها
ماقبله أحد(ن) طب قلبي مقيمه=والروح بعد الروح محد(ن) لزمها
هو الوحيد اللي كوتني جحيمه=وروحي من الفرقا حبيبي وسمها
بعده عنا قلبي وقربه نعيمه=ووصله ايعمرلي بيوتن هدمها
وبعده عن عيوني-قطيعه- ظليمه=وان شافته عيني تجلى غممها
وأسعد بشوف اللي وصوفه عديمه=ونفسي تطيب بشوفته من سقمها
مع تحياتي
أخوكم/ أبو طلال