قلبي ملكته وش تبي زود وأعطيك=لو تطلب عيوني عطيتك نظرها
قللي تدلل لاتردك مناويــــــــــــــك=نفس المولع لأجل عينك نذرها
قلبي وعيني فدوتلك وأهنيــــــك=تستاهل الأثنين قلبك قدرهــــــــا
ولو تطلب العصفور يرقص باياديك=جبته ورقصته وجاوب وترها
لو قالو العذال خلك امعنيـــك=قلت العنـا فالحب لــــــذة اســـيرها
ولا طعنهم بالنصح مانيب جافيك=لو الجفا طبعك لروحي قشرها
أمولعن بالحيل قلبي امصافيك=وودك سمر روحي وحالي ســمرها
مير البلا يامعذبي ويش مدريك=غافل وأنا محروم درة ادررها
عشت ابحياتك عندك اللي مسليك=وأغرقتني مادركت غبت بحرها
بحر الهوى والحب بحر التهاليك=كم واحدن نفسه ابوسطه دمرها
بحر تصافق فيه الأمواج يغويك=محدن وصل حده ولحدن عبرها