ناصر المرشدي
جودي علينا وهبي ياهبوب الشمال=دمينا فايحه وصدورنا فايره
ياطول الاعمار في عالم حياة الآمال=والموت يكسر جناح الهقوه الطايره
سلطان الجـذع
أفطن لها لاتطيّر غترتك والعقال = من يوم جاتك بتدبير الولي سايرة!!
أخو الجهالة حسبها في يده راس مال = واشتال من غي نفسه حملةٍ جايرة!!
ناصر المرشدي
ماكامل الا الولي ماندعي بالكمال=لكن نحشر جنون الكون فالعايره
الى متى القدس يشكي سطوة الاحتلال=(والــمرت) يبني البيوت ويرسم الدايره
سلطان الجـذع
تراك مع فارق التشبيه فأقرب مثال = مجنون تضحك على المجنون وتعايره!!
بعيرك الاجرب أحده عن طريق الجمال = تراه يوم المزاين سلعةٍ بايرة!!
ناصر المرشدي
تلومني يالجذع سلطان يابن الحلال!!=يوم انت تدهن سيوره قبل0 وتسايره
ياثقل دم المرض في فترة الانتقال=تراك صيّرت حاجه ماهي بصايره
سلطان الجـذع
صاحبك معجب معه عرف وحيّل واحتيال = لكنّه مغيرّي وافكاره مغايره!!
اللي على الارض جال ولالقى له مجال = رصاصٍ اكذب بحلق البندق الثايره!!
ناصر المرشدي
متابع البرتقاله ياكل البرتقال=لعيونها الجمس الاحمر مابرد تايره
على ضفاف الاجابه مايموت السوال=والاسئله لو تموت الاجوبه حايره