بسم الله الرحمن الرحيم
لكل واحد من جمهور المحاورة رأيه الخاص وأنا رأيي أنه لم يمر على ساحة المحاورة مثل محاورات الشاعرين: مطلق الثبيتي وصياف الحربي رحمهما الله , فعندما ندقق في محاورة" ما بين هذين الشاعرين نجد مالا يعد ولا يحصى من الحكم والجزاله ما لم نجدها في المحاورات الأخرى , وهذه بعض الأمثلة :-
مطلق :-
وش تورا ياطويل العمر فينا وش تورا........الليالي مظلمه والشيخ ما ولّع سراجه
أحد نايم بالدفا واحد" شواه البرد برا........والثبيتي ضاع والشيطان يضحك له حجاجه
صياف :-
كان مايكفيك قسمك مع عتيبه وش تحرا........روح مع راع الحصان اللي يشاهدلك عجاجه
أخذ من عندي نصيحه خش بالبيت وتذرا.........واخذ طب البدو والدكتور لا تاكل علاجه
-------------------------------------------------------------------------
مطلق :-
يوم تنصب تبيلك من جهينه خطيبه...........وانت ربعك على راسك تجر المناعي
صياف :-
كيف أناسب جهينه والبنيّه غريبه...........يالله انك تشيل كراعها عن كراعي
-------------------------------------------------------------------------
صياف :-
سلام الله سلام" باول المشوار نبديبه.........على من يمسك الرايه ويركزها ويحماها
مطلق :-
هلا يامرحبا بالضيف في حلّة معازيبه.........عدد وبل السحابه يوم حنّت وانتثر ماها
-------------------------------------------------------------------------
حقا" تجد المتعه وطعم الشعر الحقيقي عندما تسمع أي محاورة لهذين الشاعرين , وأقول أي محاورة ولا افرق بين محاوراتهم , فجميعها عندي في القمة .
هذا رأيي الشخصي والله أعلم .