سعود العصيمي=
هلا يامرحبا يالمرشدي ناصر بعد غيبـت=سنه مدري عليها زود يادنيا من انتيله!!
بعد ماجابك الله ثم جيت وجيتنا وش جبت=من علوم الوفاء والجود يادنيا من انتيله؟
ناصر المرشدي=
على سلم العرب في ليلةِ ماهيب ليلة سبت=يدوم الك البقاء ياسعود يادنيا من انتيلـه
تخير فالعلوم الطيبه وان طاب حضك طبت=واخذ من ناصر المردود يادنيا من انتيلـه
سعود العصيمي=
نبي نرسلك عن عزوة عتيبه في نهار السبت=ورد عد الروى المورود يادنيا من انتيلـه!!
مادامك تحفظ البندق ولامنك رميـت اصبـت=عساك تعود معك الفود يادنيا مـن انتيلـه!!
ناصر المرشدي=
ماشال اعذب مراويح السحاب الا كفوف الخبت=ليا هبت هبـوب النـود يادنيـا مـن انتيلـه
سمعت انك مرشح للمهمه كيـف ماحسبـت=ياعلك تبلـغ المقصـود يادنيـا مـن انتيلـه
سعود العصيمي=
تجاوبني وانا جاوبك عنما جيبتبه واجبـت=كلامك صح وانت العود يادنيا من انتيله!!
ياناصر تاخذ وتعطي ليا شرقت وان غربت=وحنا ماعلينا زود يادنيـا مـن انتيلـه!!
ناصر المرشدي=
تعيش وتستفيد من التطور كل ما واكبت=وتسبح فالفضاء الممدود يادنيا من انتيله
لقينا صورتك توك ولد وانااخبرك شيبت=عجايب ياليال السود يادنيا مـن انتيلـه
سعود العصيمي=
هذا ناصر سوات الزئبق الابيض كلامٍ ثبت=عليه الصادرات اورود يادنيا من انتيله!!
انا ماني مجنب عنك ياناصر ولو جنبـت=ياراع القود قود القود يادنيا من انتيلـه!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|