[سلطان مطر]

هذه قصيده لشاعره منيره بنت ثعلي الروقي العتيبي قالتها علي سبيل المزاح والمجاعبه
لزوجها بعد كبر سنه رداً على ابيات وجهها اليها

العام تبغي لك من البض ثنتين = ايضا وتبغي لك عليهن إزياده
مثلك إيلامنه بلغ عام سبعين = يروح مخه مثل مخ الجراده
لا يقضي الحاجه ولا يوفي الدين = حتيش لو عطرت فرش الوساده
والله مالوم العود مار الكبر شين = العود جاته خلته من ازناده
اللى مضا له من قبل عامين = ماني نت اللى دايمٍ بالجحاده
يما ثني عمره اخلاف المقفين = إيلا ثوي خطو الردى في اشداده
واليوم لو نوزيه في محجر العين = أمشي على مشهاه واتبع مراده
ياجاهلات ابحقهم فالكن شين = ميعادكن يوم الحشر والشهاده
العود إيلا شيب لزمنا إبحقين = رد الجميل ونحمد الله اعباده
لابد من يوم افراق المحبين = أن ماغضر عوده دنى له حصاده