الرائع حمدان العصيمي والمبدع علي العضياني في طاروق رائع معنى ومبنى حدث مؤخرا في المحاني
علي العضياني
إقدم يا حمدان العصيمي للدعاوي والحقوق= عند القضاه اللي صعيبات الأمور تحلها
عز الله إني ما أحسب لسانك على الزله سبوق = ما تدري إنه للكلام حدود ليش تزلها
حمدان العصيمي
أنا أقتنع بقضاة برقا وأقتنع بقضاة روق = وإليا وصلنا للقضاه أسمع علومك كلها
الحمد لله لا ذليل ولا شرود ولا سروق = والحجه اللي مالها مفعول روح وخلها
علي العضياني
إليا وصلنا للقضاه أقول بلسان (ن) صدوق = هروج حمدان الكبود تغثها وتعلها
نور الحقيقه مثل نور الشمس من بعد الشروق= ما تختفي واللي عقد روس الحبال يحلها
حمدان العصيمي
يا طير شلوى وين تغزي وأنت تلزمك السبوق = انقض ريشك من جناحك والسبوق تدلها
لو باقت أصحابك معك ترى العصيمي ما يبوق =مثل البيوت اللي عن الرمضى تلوذ بظلها
علي العضياني
طير السعد ما ينزل الوادي مكانه فوق فوق= باقي عليك من العلوم علوم ما تفطن لها
الله وأكبر يا خيال (ن) تلتعج فيه البروق = يبرق ويرعد والكبود الضاميه ما بلها
حمدان العصيمي
أنته من الروقه ولكن روق الدعوى تروق = قدام تسري والدموع من العيون تهلها
ترى الديار المسنيه ترجع من الوبل الحقوق = وإن كان بعض الناس ما تدري بعلمي قلها
علي العضياني
إليا إعتزينا تظهر الأفعال وتبين الفروق = عمهوج يفرق يوم تجريد السيوف وسلها
| التوقيع |
|
عالم تويتر
abofayeh@ |